സ്‌കൂള്‍ പരിസരത്ത് വച്ച് അപരിചിതന്‍ അജ്ഞാത വസ്തു കുത്തിവച്ചെന്ന് നാലാം ക്ലാസുകാരി
സ്‌കൂള്‍ പരിസരത്ത് വച്ച് അപരിചിതന്‍ അജ്ഞാത വസ്തു കുത്തിവച്ചെന്ന് നാലാം ക്ലാസുകാരി. പെണ്‍കുട്ടി മാതാപിതാക്കളോടാണ് ഇക്കാര്യം പറഞ്ഞത്. മുംബയില്‍ ജനുവരി 31നായിരുന്നു സംഭവം. വിവരമറിഞ്ഞതും മാതാപിതാക്കള്‍ ഉടന്‍ തന്നെ കുട്ടിയെ ആശുപത്രിയിലെത്തിച്ചു. തുടര്‍ന്ന് ഭണ്ഡൂപ് പൊലീസ് സ്റ്റേഷനില്‍ പരാതി നല്‍കുകയായിരുന്നു.
സംഭവത്തില്‍ പൊലീസ് അന്വേഷണം ആരംഭിച്ചിട്ടുണ്ട്. അഞ്ച് സംഘങ്ങളായി തിരിഞ്ഞാണ് അന്വേഷണം. സ്‌കൂളിലെ സിസിടിവി ദൃശ്യങ്ങള്‍ പരിശോധിച്ചുവരികയാണ്. ഇതില്‍ സംശാസ്പദമായ ഒന്നും കണ്ടെത്താനായിട്ടില്ലെന്നാണ് വിവരം. സ്‌കൂളില്‍ നിന്ന് വീട്ടിലെത്തിയ കുട്ടി മാതാപിതാക്കളോട് വിവരം പറയുകയായിരുന്നു.
അജ്ഞാതനായ ഒരാള്‍ തനിക്ക് അജ്ഞാത വസ്തു കുത്തിവച്ചതായി ഒന്‍പത് വയസുകാരി പറഞ്ഞെന്നാണ് പരാതിയില്‍ പറയുന്നത്. ലൈംഗികാതിക്രമമോ ശാരീരിക പീഡനമോ ഉണ്ടായതായി പെണ്‍കുട്ടി പറഞ്ഞിട്ടില്ല. പെണ്‍കുട്ടിയുടെ ആരോഗ്യനില തൃപ്തികരമാണെന്നും മുംബയ് പൊലീസ് വ്യക്തമാക്കി.
https://www.facebook.com/Malayalivartha
