ജമ്മു കശ്മീരില്‍ പാകിസ്ഥാന്‍ നുഴഞ്ഞുകയറ്റക്കാരുമായി ആക്രമണം പരാജയപ്പെടുത്തി ഇന്ത്യന്‍ സൈന്യം
ജമ്മു കശ്മീരിലെ നിയന്ത്രണരേഖയിലെ പോസ്റ്റില്‍ പാകിസ്ഥാന്‍ നുഴഞ്ഞുകയറ്റക്കാരുടെ പതിയിരുന്നുള്ള ആക്രമണം പരാജയപ്പെടുത്തി ഇന്ത്യന്‍ സൈന്യം. ഫെബ്രുവരി 4-5 തീയതികളില്‍ നടന്ന ആക്രമണത്തില്‍ ഏഴ് പേരെ വധിക്കുകയും ചെയ്തതായി വൃത്തങ്ങള്‍ അറിയിച്ചു. ജമ്മു കശ്മീരിലെ പൂഞ്ച് ജില്ലയിലെ കൃഷ്ണ ഘാട്ടി സെക്ടറില്‍ പാകിസ്ഥാന്‍ 'കശ്മീര്‍ ഐക്യദാര്‍ഢ്യ ദിനം' ആചരിക്കുന്നതിനിടെയാണ് സംഭവം. ഇത് ഇന്ത്യാ വിരുദ്ധ അജണ്ട നടപ്പിലാക്കുന്നതിനുള്ള പ്രചാരണ പരിപാടിയായിരുന്നു.
അതിര്‍ത്തി കടന്നുള്ള ഓപ്പറേഷനുകള്‍ക്കായി പ്രത്യേകം രൂപീകരിച്ച പാകിസ്ഥാന്റെ ബോര്‍ഡര്‍ ആക്ഷന്‍ ടീം (BAT) ഒരു ഫോര്‍വേഡ് പോസ്റ്റ് ആക്രമിക്കാന്‍ ശ്രമിക്കുന്നതിനിടെ ഇന്ത്യന്‍ സൈന്യം പതിയിരുന്ന് ആക്രമിച്ചതായി വൃത്തങ്ങള്‍ അറിയിച്ചു. ഓപ്പറേഷനില്‍ കൊല്ലപ്പെട്ട തീവ്രവാദികള്‍ അല്‍-ബദര്‍ ഗ്രൂപ്പിലെ അംഗങ്ങളായിരിക്കാനാണ് സാധ്യത.
കശ്മീര്‍ ഉള്‍പ്പെടെയുള്ള എല്ലാ പ്രശ്നങ്ങളും ഇന്ത്യയുമായുള്ള ചര്‍ച്ചയിലൂടെ പരിഹരിക്കണമെന്ന് പാകിസ്ഥാന്‍ പ്രധാനമന്ത്രി ഷെഹ്ബാസ് ഷെരീഫ് ഈ ആഴ്ച ആദ്യം പറഞ്ഞതിന് പിന്നാലെയാണ് ഈ പുതിയ നീക്കം. രസകരമെന്നു പറയട്ടെ, ജെയ്ഷെ മുഹമ്മദ് (ജെ.ഇ.എം), ലഷ്‌കര്‍-ഇ-തൊയ്ബ (എല്‍.ഇ.ടി) തുടങ്ങിയ ഭീകര സംഘടനകളുടെ കമാന്‍ഡര്‍മാര്‍ പാക് അധീന കശ്മീരില്‍ (പി.ഒ.കെ) ഒരു സമ്മേളനം നടത്തി രാജ്യത്തിന്റെ കാപട്യം തുറന്നുകാട്ടിയ സാഹചര്യത്തിലാണ് പുതിയ പ്രഖ്യാപനം ഉണ്ടായത്.
https://www.facebook.com/Malayalivartha
