കാമുകനുമായി ചേർന്ന് ഭർത്താവിനെ അതിക്രൂരമായി ഭാര്യ കൊലപ്പെടുത്തിയ വാർത്ത നമ്മൾ കണ്ടതാണ് , ഇപ്പോഴിതാ മർച്ചൻ്റ് നേവിക്കാരനായ ഭർത്താവിനെ കാമനൊപ്പം ചേർന്ന് കൊലപ്പെടുത്തിയ യുവതി ​ഗർഭിണി. സൂറത്തിൽ സൗരഭ് രജപുത്തെന്ന യുവാവിനെയാണ് മുസ്കാൻ റസ്തോ​ഗി കാമുകൻ സാഹിൽ ശുക്ലയും ചേർന്ന് കൊലപ്പെടുത്തി 16 കഷ്ണങ്ങളാക്കി ഡ്രമ്മിലിട്ട് സിമൻ്റ് നിറച്ചത്. ഇന്നത്തെ പരിശോധനയിലാണ് ഇവർ ​ഗർഭിണിയാണെന്ന് കണ്ടെത്തിയത്. ജില്ല ആശുപത്രിയിലെ ഡോക്ടർമാർ ജയിലിലെത്തിയാണ് യുവതിയെ പരിശോധിച്ചത്.

അധികൃതരുടെ അപേക്ഷയുടെ അടിസ്ഥാനത്തിലായിരുന്നു ഇത്.സിഎംഒ അശോക് കതാരിയ യുവതി ​ഗർഭിണിയാണെന്ന് സ്ഥിരീകരിച്ചു. കഴിഞ്ഞ മാസമാണ് യുവാവിന്റെ കൊലപാതകം വെളിച്ചത്തുവന്നത്. 2016-ലാണ് മുസ്കാനും സൗരഭും പ്രണയിച്ച് വിവാഹിതരാകുന്നത്. മൂന്നു വർഷമായി മകൾക്കൊപ്പം ഇവർ ഒരു വാടക വീട്ടിലാണ് താമസിച്ചിരുന്നത്. സൗരഭ് ലണ്ടനിലെ ബേക്കറി ജോലി ചെയ്യുമ്പോഴാണ് മുസ്കാനും സാഹിലുമായി അവിഹിത ബന്ധം ആരംഭിക്കുന്നത്.പൊലീസ് റിപ്പോർട്ട് വ്യക്തമാക്കുന്നത്: മുറിയിൽ ഉറങ്ങിക്കിടന്ന സൗരഭിന്റെ നെഞ്ചിൽ കത്തിക്കുത്തിയിറക്കുന്നത് ഭാര്യയായ റസ്തോ​ഗിയായിരുന്നു.

മരണം ഉറപ്പാക്കിയ ശേഷം മൃതദേഹം ശുക്ല ശുചിമുറിയിൽ എത്തിച്ച് 16 കഷ്ണമാക്കി. മുസ്കാനാണ് എല്ലാ സഹായവും നൽകിയത്. ശേഷം ശരീരാവശിഷ്ടങ്ങൾ ഡ്രമ്മിലാക്കി സിമന്റിട്ടു. കഞ്ചാവിന് അടിമയായിരുന്നു കാമുകൻ യുവതിയെയും അടിമയാക്കി.ഇതോടെ അവിഹിത ബന്ധം ദൃഢമായി. അയൽക്കാരെയും കുടുംബക്കാരെയും തെറ്റി​ദ്ധരിപ്പിക്കാൻ ഇവർ ഷിംല-മണാലിയിലേക്ക് 12 ദിവസത്തെ ടൂർ പോയി. വീഡിയോയും ഫോട്ടോകളും ഇൻസ്റ്റ​ഗ്രാമിൽ പങ്കിട്ടു, അവധിയാഘോഷത്തിലാണെന്ന് കാണിക്കാനായിരുന്നു ഇത്. 18നാണ് കൊലപാതകം വെളിച്ചത്തുവരുന്നത്.