പഹല്‍ഗാം ഭീകരാക്രമണത്തിന്റെ പശ്ചാത്തലത്തില്‍ പ്രത്യേക പാര്‍ലമെന്റ് സമ്മേളനം ചേരണമെന്ന് കോണ്‍ഗ്രസ്. ആവശ്യമുന്നയിച്ച് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെയും രാഹുല്‍ ഗാന്ധിയും പ്രധാനമന്ത്രിക്ക് കത്തയച്ചു.

പാര്‍ലമെന്റ് സമ്മേളനം ചേരുന്നത് ഭീകരതക്കെതിരായി ഒറ്റക്കെട്ടായി നില്‍ക്കുന്നു എന്ന സന്ദേശം നല്‍കുമെന്നും കത്തില്‍ പറയുന്നു.
'ഐക്യവും ഐക്യദാര്‍ഢ്യവും അനിവാര്യമായ ഈ സമയത്ത്, പാര്‍ലമെന്റിന്റെ ഇരുസഭകളുടെയും പ്രത്യേക സമ്മേളനം എത്രയും വേഗം വിളിച്ചുകൂട്ടേണ്ടത് പ്രധാനമാണെന്ന് പ്രതിപക്ഷം വിശ്വസിക്കുന്നു.

2025 ഏപ്രില്‍ 22 ന് പഹലാഗാമില്‍ നിരപരാധികളായ പൗരന്മാര്‍ക്ക് നേരെ നടന്ന ക്രൂരമായ ഭീകരാക്രമണത്തെ നേരിടാനുള്ള നമ്മുടെ കൂട്ടായ ദൃഢനിശ്ചയത്തിന്റെയും ഇച്ഛാശക്തിയുടെയും ശക്തമായ പ്രകടനമായിരിക്കും ഇത്'' ഖാര്‍ഗെ കൂട്ടിച്ചേര്‍ത്തു.