വിനോദസഞ്ചാരികള്ക്കുളള വീസാച്ചട്ടങ്ങളില് ഇന്ത്യ ഇളവ് വരുത്തി
ന്യൂഡല്ഹി : 2008ലെ മുംബൈ ഭീകരാക്രമണത്തെത്തുടര്ന്ന് വിദേശസഞ്ചാരികള്ക്കേര്പ്പെടുത്തിയിരുന്ന നിയന്ത്രണങ്ങള് ഇന്ത്യ പിന്വലിച്ചു. വിദേശികളുടെ തുടര്ച്ചയായ ഇന്ത്യ സന്ദര്ശനത്തിന് രണ്ട് മാസത്തെയെങ്കിലും ഇടവേള വേണമെന്ന നിബന്ധനയാണ് ഇന്ത്യ ഇപ്പോള് പിന്വലിച്ചിരിക്കുന്നത്.
വീസാച്ചട്ടങ്ങള് കര്ശനമാക്കിയത് വിനോദസഞ്ചാരമേഖലയെ ഏറെ തളര്ത്തിയിരുന്നു. ഇപ്പോള് കൊണ്ടുവന്നിരിക്കുന്ന ഇളവ് വിനോദസഞ്ചാരമേഖലയ്ക്ക് പുത്തന് ഉണര്വ് പകരുമെന്നാണ് കരുതുന്നത്. സീസണ് തുടങ്ങുന്നതിന് തൊട്ട് മുമ്പാണ് സര്ക്കാരിന്റെ ഈ നടപടി എന്നതും ശ്രദ്ധേയമാണ്.
അതേസമയം പാകിസ്ഥാന്,അഫ്ഗാനിസ്ഥാന്,ചൈന,ഇറാന്,ഇറാഖ്,സുഡാന്,ബംഗ്ലാദേശ്, എന്നീ രാജ്യക്കാര്ക്കും ഒരുരാജ്യത്തും പൗരത്വമില്ലാത്തവര്ക്കും നിയന്ത്രണങ്ങള് തുടരും.
https://www.facebook.com/Malayalivartha