ന്യൂഡല്‍ഹി : ഇന്ത്യയുടെ സുരക്ഷിതത്വത്തെ ചോദ്യം ചെയ്യുന്ന വിധത്തില്‍ അതിര്‍ത്തിയില്‍ ചൈന നടത്തുന്ന പ്രവര്‍ത്തനങ്ങളെക്കുറിച്ച്‌ സര്‍ക്കാരിനറിയാമെന്ന്‌ പ്രതിരോധമന്ത്രി എ.കെ.ആന്റണി പാര്‍ലമെന്റില്‍  വ്യക്തമാക്കി. രാജ്യസുരക്ഷയ്‌ക്കാവശ്യമായ എല്ലാ നടപടികളും കൈക്കൊളളുമെന്നും ആന്റണി സഭയെ അറിയിച്ചു. അതിര്‍ത്തിയില്‍ ചൈനയുടെ വിധ്വംസക പ്രവര്‍ത്തനങ്ങള്‍ സംബന്ധിച്ചുയര്‍ന്ന ചോദ്യത്തിന്‌ മറുപടി നല്‍കുകയായിരുന്നു ആന്റണി. അതിര്‍ത്തിയിലെ അടിസ്ഥാന സൗകര്യങ്ങള്‍ വര്‍ദ്ധിപ്പിക്കുന്നതുള്‍പ്പെടെയുളള കാര്യങ്ങള്‍ സര്‍ക്കാര്‍ പരിശോധിച്ച്‌ വരികയാണെന്നും പ്രതിരോധമന്ത്രി അറിയിച്ചു. തന്ത്രപരമായ മേഖലകളില്‍ ട്രെയിന്‍സൗകര്യങ്ങള്‍ കൊണ്ടുവരുന്നതിനെക്കുറിച്ച്‌ ഒരു സമഗ്ര പദ്ധതി ആവിഷ്‌ക്കരിക്കന്ന കാര്യം പരിഗണിച്ച്‌ വരികയാണെന്നും അദ്ദേഹം പറഞ്ഞു.