പ്രശസ്‌ത ഇന്ത്യന്‍ സംഗീതജ്ഞന്‍ പണ്‌ഡിറ്റ്‌ രവിശങ്കര്‍ അന്തരിച്ചു. 92 വയസായിരുന്നു. അമേരിക്കയിലെ സാന്റിയാഗോവില്‍ ഇന്ന്‌ രാവിലെയായിരുന്നു അന്ത്യം. ദീര്‍ഘനാളായി അമേരിക്കയില്‍ ചികിത്സയിലായിരുന്നു.  സിത്താറിനെ ജനകീയമാക്കുന്നതില്‍ രവിശങ്കര്‍ വഹിച്ച പങ്ക്‌ വളരെ വലുതാണ്‌. 1999ല്‍ ഭാരതരത്‌നം നല്‍കി രാജ്യം ആദരിച്ചു.
1920ല്‍ കാശിയിലാണ്‌ രവിശങ്കര്‍ ജനിച്ചത്‌. ചെറുപ്പത്തിലേ നാടോടികലകളോട്‌ അതിയായ താത്‌പര്യമായിരുന്നു. പതിനെട്ടാമത്തെ വയസിലാണ്‌ സിത്താര്‍ പഠിച്ചു തുടങ്ങിയത്‌. പിന്നീട്‌ സിത്താറില്‍ പല പരീക്ഷണങ്ങളും രവിശങ്കര്‍ കൊണ്ടുവന്നു. പ്രായമേറെയായിട്ടും ലോകത്തെമ്പാടും രവിശങ്കര്‍ നിരവധി കച്ചേരികള്‍ നടത്തിയിരുന്നു. ഇന്ത്യയിലെ അവസാനത്തെ കച്ചേരി കഴിഞ്ഞ ഫെബ്രുവരിയില്‍ ബാഗ്ലൂരിലായിരുന്നു.