ഗാഡ്‌കില്‍ റിപ്പോര്‍ട്ട്‌ വന്‍ പ്രത്യാഘാതമുണ്ടാക്കുമെന്ന്‌ സി.പി.എം വിലയിരുത്തുന്നു. പശ്ചിമഘട്ടത്തെ സംരക്ഷിക്കാനായാണ്‌ മാധവ്‌ ഗാഡ്‌കില്‍ കമ്മിറ്റി റിപ്പോര്‍ട്ട്‌ സമര്‍പ്പിച്ചത്‌. ജനങ്ങളുടെ കുടിവെള്ളം സംരക്ഷിക്കുന്നതിനും മറ്റ്‌ ജീവിതോപാധികള്‍ നിലനിര്‍ത്തുന്നതിനും പശ്ചിമഘട്ടത്തിന്റെ നിലില്‍പ്പ്‌ അത്യന്താപേക്ഷിതമാണ്‌. എങ്കിലും ഈ കമ്മിറ്റി മുന്നോട്ട്‌വെച്ചതില്‍ പലതും അപ്രായോഗികമാണ്‌. കേരളം പോലുള്ള ജനസാന്ദ്രത കൂടുയ മേഖലയില്‍ ഗരുതരമായ പ്രത്യാഘാതങ്ങള്‍ സൃഷ്‌ടിക്കും. കാര്‍ഷികവൃത്തിയേയും നിര്‍മ്മാണമേഖലയേയും ഇത്‌ സാരമായി ബാധിക്കും.