തലസ്ഥാനനഗരിയെ നഗരിയെ വിറങ്ങലിപ്പിച്ച്‌ കൊണ്ട്‌ ഓടിക്കൊണ്ടിരിക്കുന്ന ബസില്‍ മെഡിക്കല്‍ വിദ്യാര്‍ത്ഥിയെ അഞ്ചുപേരടങ്ങുന്ന സംഘം കൂട്ട ബലാത്സംഗത്തിനിരയാക്കി. തിങ്കളാഴ്‌ച പുലര്‍ച്ചെ 1.15ന്‌ ഡല്‍ഹിയിലെ വസന്ത്‌ വിഹാര്‍ നഗറിലാണ്‌ സംഭവം. സിനിമയ്‌ക്ക്‌ പോയതിനു ശേഷം താമസസ്‌ഥലത്തേക്ക്‌ പോകാനായി രാത്രി 11 മണിക്കാണ്‌ 23 കാരിയായ പെണ്‍കുട്ടിയും സൂഹൃത്തും ബസില്‍ കയറിയത്‌. അല്‍പസമയത്തിനു ശേഷം ബസിലുണ്ടായിരുന്ന അഞ്ചംഗ സംഘം സുഹൃത്തിനെ മര്‍ദ്ദിച്ച്‌ അവശനാക്കിയ ശേഷം പെണ്‍കുട്ടിയെ ബലാത്സംഗത്തിനിരയാക്കുകയായിരുന്നു. തുടര്‍ന്ന്‌ ഇരുവരേയും അര്‍ദ്ധനഗ്നരാക്കി ഓടിക്കൊണ്ടിരുന്ന ബസില്‍ നിന്നും പുറത്തേക്ക്‌ തള്ളിയിട്ടു.
വസന്ത്‌ വിഹാര്‍ പോലീസ്‌ സ്റ്റേഷനില്‍ പൊണ്‍കുട്ടിയുടെ സുഹൃത്ത്‌ വിവരമറിയിച്ചു. ഗുരുതരാവസ്ഥയിലാണ്‌ പെണ്‍കുട്ടി. ബസ്‌ പോലീസ്‌ കസ്റ്റഡിയിലെടുത്തിട്ടുണ്ട്‌.