ചെന്നൈ അന്താരാഷ്ട്ര വീമാനത്താവളത്തിലെ എയര്‍ ട്രാഫിക്‌ കണ്‍ട്രോള്‍ വിഭാഗത്തില്‍ വന്‍ തീപിടിത്തം. ആളപായം ഇല്ല. പുലര്‍ച്ചെ രണ്ടേ മുപ്പതോടെയാണ്‌ തീപിടിത്തം ഉണ്ടായത്‌. ഇതിനെ തുടര്‍ന്ന്‌ പന്ത്രണ്ടോളം വീമാനങ്ങള്‍ റദ്ദാക്കി. യു.പി.എസിലെ ബാറ്ററികള്‍ പൊട്ടിത്തെറിച്ചതാണ്‌ തീപിടിത്തത്തിന്‌ കാരണമെന്ന്‌ പോലീസ്‌ അറിയിച്ചു.സംഭവ സമയം രണ്ടായിരത്തോളം പേര്‍ വീമാനത്തില്‍ ഉണ്ടായിരുന്നതായും ഇവര്‍ സുരക്ഷിതരാണെന്നും അധികൃതര്‍ അറിയിച്ചു. ഉച്ചയോടുകൂടി പ്രവര്‍ത്തനങ്ങള്‍ സാധാരണ നിലയിലാക്കാന്‍ കഴിയുമെന്നാണ്‌ പ്രതീക്ഷിക്കുന്നത്‌.