വധശിക്ഷ നല്കില്ലെന്ന ഉറപ്പിന്മേല് ഇറ്റാലിയന് നാവികര് ഇന്ത്യയിലേക്ക്
അപൂര്വങ്ങളില് അപൂര്വമായ കേസ് അല്ലാത്തതിനാല് കടല്ക്കൊലക്കേസിലെ പ്രതികളായ ഇറ്റാലിയന് നാവികര്ക്ക് വധശിക്ഷ ലഭിക്കില്ലെന്ന് ഇന്ത്യ ഇറ്റലിക്ക് ഉറപ്പ് നല്കി. വിദേശകാര്യമന്ത്രി സല്മാന് ഖുര്ഷിദ് പാര്ലമെന്റിലാണ് ഇക്കാര്യം അറിയിച്ചത്. സുപ്രീം കോടതി നല്കിയ സമയ പരിധിക്കുള്ളില് നാവികര് ഇന്ത്യയില് തിരിച്ചെത്തിയാല് അവരെ അറസ്റ്റ് ചെയ്യില്ലെന്നും ഇന്ത്യ ഉറപ്പു നല്കി. പാര്ലമെന്റില് പ്രതിപക്ഷം അംഗങ്ങളുടെ ബഹളത്തെ തുടര്ന്ന് മന്ത്രി കത്ത് സഭയുടെ മേശപ്പുറത്ത് വച്ചു. ഇറ്റലിക്ക് നല്കിയ ഉറപ്പിന്റെ വിവരങ്ങള് സുപ്രീം കോടതിയെ അറിയിക്കും. വിചാരണ സുപ്രീം കോടതിയുടെ നിര്ദ്ദേശങ്ങള്ക്കനുസരിച്ച് തന്നെ മുന്നോട്ട് കൊണ്ടുപോകുമെന്നും സല്മാന് ഖുര്ഷിദ് പറഞ്ഞു.
https://www.facebook.com/Malayalivartha