ലിസ്റ്റില്‍ ഇടം നേടിയിട്ടും ജോലി കിട്ടാതെ ... റെയില്‍വേയില്‍ ജോലി ആവശ്യപ്പെട്ട് റെയില്‍വേ ട്രാക്കില്‍ കുത്തിയിരിപ്പ് സമരവുമായി ഉദ്യോഗാര്‍ത്ഥികള്‍ രംഗത്ത്
20 MARCH 2018 12:09 PM IST
മലയാളി വാര്‍ത്ത
റെയില്‍വേയില്‍ ജോലി ആവശ്യപ്പെട്ട് റെയില്‍വേ ട്രാക്കില്‍ കുത്തിയിരിപ്പ് സമരവുമായി ഉദ്യോഗാര്‍ഥികള്‍. റിക്രൂട്ട്‌മെന്റ് നടത്തിയിട്ട് നാല് വര്‍ഷമായെന്ന് ആരോപിച്ചാണ് ഉദ്യോഗാര്‍ഥികള്‍ രംഗത്തെത്തിയത്. പത്ത് പേര്‍ ജോലി ലഭിക്കാത്തതിനെ തുടര്‍ന്ന് ആത്മഹത്യ ചെയ്തുവെന്നും സമരക്കാര്‍ ആരോപിച്ചു. സമരക്കാരില്‍ പലരും റെയില്‍വേയുടെ പരീക്ഷ പാസായി ലിസ്റ്റില്‍ ഇടം പിടിച്ചവരാണ്.
സമരത്തെ തുടര്‍ന്ന് 30 ട്രെയിന്‍ സര്‍വീസുകള്‍ റദ്ദാക്കിയതായി റയില്‍വേ അധികൃതര്‍ അറിയിച്ചു. പിന്നീട് പൊലീസും അധികൃതരമെത്തി ഉദ്യോഗാര്‍ഥികളുമായി ചര്‍ച്ച നടത്തുകയും സമരം ഒത്തുതീര്‍ക്കുകയും ചെയ്തു. പിന്നീട് റെയില്‍വേ ഗതാഗതം പുന: സ്ഥാപിച്ചതായി അധികൃതര്‍ അറിയിച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
