ഹെലികോപ്റ്റര് ഇടപാടില് അഴിമതി നടന്നതായി ആന്റണി
ഹെലികോപ്റ്റര് ഇടപാടില് അഴിമതി നടന്നതായി പ്രതിരോധ മന്ത്രി എ.കെ.ആന്റണി. അഗസ്ത വെസ്റ്റ് ലാന്റ് ഇടപാടുമായി ബന്ധപ്പെട്ട് ആരൊക്കെയോ ചിലര് കൈക്കൂലി വാങ്ങിയിട്ടുണ്ടെന്ന് ആന്റണി കൊച്ചിയില് മാധ്യമ പ്രവര്ത്തകരോട് പറഞ്ഞു. എന്നാല് അത് ആരൊക്കെയാണ് എന്നത് ഇപ്പോള് പറയാന് കഴിയില്ലെന്നും അദ്ദേഹം വ്യക്തമാക്കി. അന്വേഷണം തീരാന് കാത്തിരിക്കുകയാണ്. നിയമ നടപടികളുമായി മുന്നോട്ടു പോകുകതന്നെ ചെയ്യുമെന്നും ആന്റണി പറഞ്ഞു.
ഹെലികോപ്റ്റര് ഇടപാടില് അഴിമതി നടന്നതായി നേരത്തെ തന്നെ ആരോപണം ഉയര്ന്നിരുന്നു. എന്നാല് ഇതു സംബന്ധിച്ച് പ്രാഥമിക അന്വേഷണം നടക്കുന്നതിനാല് ഇപ്പോള് ഒന്നും പുറത്തു വിടാന് കഴിയില്ല എന്നായിരുന്നു ആന്റണി പാര്ലമെന്റില് അറിയിച്ചത്.
https://www.facebook.com/Malayalivartha