മധ്യ ആഫ്രിക്കന് റിപ്പബ്ലിക്കില് ഫ്രഞ്ച് സൈന്യത്തിന്റെ വെടിയേറ്റ് രണ്ട് ഇന്ത്യക്കാര് മരിച്ചു
മധ്യ ആഫ്രിക്കന് റിപ്പബ്ലിക്കില് ഫ്രഞ്ച് സൈന്യത്തിന്റെ വെടിയേറ്റ് രണ്ട് ഇന്ത്യക്കാര് മരിച്ചു. ബുങ്കായ് അന്താരാഷ്ട്ര വീമാനത്താവളത്തിലാണ് സംഭവം. ആറുപേര്ക്ക് ഗുരുതരമായ പരിക്കേറ്റിട്ടുണ്ട്. ഇന്ത്യക്കാര് സഞ്ചരിച്ച വാഹനം ഫ്രഞ്ച് സൈന്യത്തിന്റെ നിര്ദേശം അവഗണിച്ച് വീമാനത്താവളം ലക്ഷ്യമാക്കി സഞ്ചരിച്ചപ്പോഴാണ് സൈന്യം വെടിവെച്ചത്. തീവ്രവാദികളാണെന്ന് തെറ്റിദ്ധരിച്ചായിരുന്ന വെടിവെച്ചതെന്ന് സൈന്യം അറിയിച്ചു.സംഭവത്തില് ഖേദം പ്രകടിപ്പിച്ച് ഫ്രഞ്ച് പ്രസിഡന്റ് പ്രധാനമന്ത്രി മന്മോഹന് സിംഗിന് കത്തയച്ചു. സെന്ട്രല് ആഫ്രിക്കന് റിപ്പബ്ലിക്കില് അധികാര അട്ടിമറിയെ തുടര്ന്നാണ് ഫ്രഞ്ച് സൈന്യം പട്രോളിംഗ് നടത്തുന്നത്. ഇവിടെ താമസിക്കുന്ന നൂറോളം ഇന്ത്യക്കാരുടെ സുരക്ഷ ഉറപ്പു വരുത്താന് നടപടി സ്വീകരിക്കുമെന്ന് പ്രധാനമന്ത്രി അറിയിച്ചു. സെന്ട്രല് ആഫ്രിക്കന് റിപ്പബ്ലിക്കിന്റെ ചുമതലയുള്ള കോംഗോയിലെ ഇന്ത്യന് അംബാസിഡറോട് മരിച്ച ഇന്ത്യന് പൗരന്മാരുടെ മൃതദേഹങ്ങള് നാട്ടിലെത്തിക്കാന് നിര്ദേശം നല്കിയതായും പ്രധാനമന്ത്രി വ്യക്തമാക്കി. പരിക്കേറ്റവര്ക്ക് വിദഗ്ദ ചികിത്സ നല്കുമെന്ന് ഫ്രഞ്ച് സര്ക്കാര് അറിയിച്ചിട്ടുണ്ട്.
https://www.facebook.com/Malayalivartha