ശ്രീലങ്കക്കെതിരെ ഉപരോധം കൊണ്ടു വരണമെന്ന പ്രമേയം തമിഴ്‌നാട്‌ നിയമസഭ പാസാക്കി
ശ്രീലങ്കയെ ഇന്ത്യ സുഹൃദ്‌ രാഷ്ട്രമായി കാണരുതെന്ന പ്രമേയം തമിഴ്‌നാട്‌ നിയമസഭ പാസാക്കി. തമിഴ്‌ നാട്‌ മുഖ്യമന്ത്രി ജയലളിതയാണ്‌ പ്രമേയം അവതരിപ്പിച്ചത്‌. ശ്രീലങ്കയിലെ തമിഴ്‌ വംശജര്‍ക്കെതിരായ അതിക്രമങ്ങള്‍ രൂക്ഷമായതിന്റെ പശ്ചാത്തലത്തിലാണ്‌ പ്രമേയം. ശ്രീലങ്കയിലെ തമിഴ്‌ വംശജര്‍ക്കു വേണ്ടി കേന്ദ്രമന്ത്രി സഭയില്‍ ഉണ്ടായിരുന്ന ഡി.എം.കെ. ഒന്നും ചെയ്‌തില്ലെന്നും ജയലളിത കുറ്റപ്പെടുത്തി.
ശ്രീലങ്കയ്‌ക്കെതിരെ ആരോപിക്കപ്പെടുന്ന യുദ്ധക്കുറ്റങ്ങളില്‍ അന്വേഷണം നടത്തണമെന്നും ഈ അന്വേഷണങ്ങളില്‍ കുറ്റക്കാരെന്ന്‌ കണ്‌ടെത്തുന്നവരെ ശിക്ഷിക്കണമെന്നും പ്രമേയത്തില്‍ ആവശ്യപ്പെടുന്നു. തമിഴര്‍ക്കെതിരായ പീഡനം ശ്രീലങ്കന്‍ സര്‍ക്കാര്‍ അവസാനിപ്പിക്കുന്നതു വരെ അവര്‍ക്കെതിരേ സാമ്പത്തിക ഉപരോധമേര്‍പ്പെടുത്തണമെന്നും പ്രമേയത്തില്‍ ആവശ്യപ്പെടുന്നുണ്ട്‌. ശ്രീലങ്കയില്‍ പ്രത്യേക തമിഴ്‌ ഈഴം രൂപീകരിക്കണമെന്ന ആവശ്യത്തില്‍ ശ്രീലങ്കയിലും ആഗോളതലത്തിലും തമിഴര്‍ക്കിടയില്‍ ഹിതപരിശോധന നടത്തണമെന്നും പ്രമേയം അവതരിപ്പിച്ച്‌ നിയമസഭയില്‍ സംസാരിക്കവേ മുഖ്യമന്ത്രി ആവശ്യപ്പെട്ടു.
https://www.facebook.com/Malayalivartha
