കേന്ദ്രം ശക്തമായ നടപടികളിലേക്ക്‌ : കടല്‍ക്കൊല കേസ്‌ എന്‍.ഐ.എ അന്വേഷിച്ചേക്കും
കടല്‍ക്കൊല കേസിലെ അന്വേഷണം എന്‍.ഐ.എയെ ഏല്‍പ്പിക്കാന്‍ സാധ്യത. ഈ ആവശ്യവുമായി കേന്ദ്രസര്‍ക്കാര്‍ സുപ്രീം കോടതിയെ സമീപിച്ചേക്കും. ആഭ്യന്തര, നിയമമന്ത്രാലയങ്ങള്‍ തമ്മില്‍ നടത്തിയ ചര്‍ച്ചയ്‌ക്കു ശേഷമാണ്‌ ഇക്കാര്യം തീരുമാനിച്ചത്‌. ഇന്ത്യന്‍ നിയമത്തിനു കീഴില്‍ വിചാരണ ഉറപ്പാക്കുകയാണ്‌ ഇതിലൂടെയുള്ള ഉദ്ദേശ്യമിടുന്നതെന്ന്‌ മന്ത്രാലയങ്ങള്‍ വ്യക്തമാക്കി.
കടല്‍ക്കൊല കേസില്‍ നാവികരെ പ്രത്യേക കോടതിയില്‍ വിചാരണ ചെയ്യണമെന്നാണ്‌ സുപ്രീം കോടതി ഉത്തരവ്‌. ഇതിനെ തുടര്‍ന്ന്‌ ഡല്‍ഹിയില്‍ പ്രത്യേക കോടതി രൂപീകരിക്കാനുള്ള ആഭ്യന്തര മന്ത്രാലയത്തിന്റെ ശുപാര്‍ശ നിയമമന്ത്രാലയം അംഗീകരിച്ചിട്ടുണ്ട്‌.
കേരളാ കടല്‍ തീരത്ത്‌ മത്സ്യബന്ധനത്തിന്‌ പോയ രണ്ടു പേരെ ഇറ്റാലിയന്‍ കപ്പലില്‍ സുരക്ഷാ ചുമതലയുള്ള നാവികര്‍ വെടിവെച്ചു കൊന്നു എന്നതാണ്‌ കേസ്‌. കേരള പോലീസാണ്‌ നേരത്തെ കേസ്‌ അന്വേഷിച്ചത്‌. സംഘം ഇക്കാര്യത്തില്‍ റിപ്പോര്ട്ട് സമര്‍പ്പിച്ചു. എന്നാല്‍ കേസിന്റെ വിചാരണ അന്താരാഷ്ട്ര കോടതിയിലാണ്‌ നടക്കേണ്ടത്‌ എന്ന നിലപാടിലാണ്‌ ഇറ്റലി.
https://www.facebook.com/Malayalivartha
