ഇനി സ്‌ത്രീകളോട്‌ സൂക്ഷിച്ചു പെരുമാറിയാല്‍ ദു:ഖിക്കേണ്ട: സ്‌ത്രീ പീഡന വിരുദ്ധ ബില്ലിന്‌ രാഷ്ട്രപതി അംഗീകാരം നല്‍കി
സ്‌ത്രീപീഡന വിരുദ്ധ ബില്ലിന്‌ രാഷ്ട്രപതിയുടെ അംഗീകാരം. പാര്‍ലമെന്റിന്റെ ഇരു സഭകളിലും പാസാക്കിയ ബില്ലിന്‌ രാഷ്ട്രപതി പ്രണബ്‌ മുഖര്‍ജി ഒപ്പിട്ടതോടെ അംഗീകാരമായി. സ്‌ത്രീകള്‍ക്കെതിരായ ആക്രമണങ്ങളില്‍ ശക്തമായ ശിക്ഷ നല്‍കുന്നതാണ്‌ ബില്ല്‌. ബലാല്‍സംഗം പോലുള്ള കുറ്റകൃത്യങ്ങള്‍ക്ക്‌ വധശിക്ഷയോ ആജീവനാന്ത തടവോ ബില്ല്‌ ശുപാര്‍ശ ചെയ്യുന്നു. ആസിഡ്‌ ആക്രമണം, പിന്തുടര്‍ന്ന്‌ ശല്ല്യം ചെയ്യല്‍, ഒളിഞ്ഞു നോട്ടം തുടങ്ങിയ കുറ്റങ്ങള്‍ക്കും കടുത്ത ശിക്ഷ ലഭിക്കും.
ഡല്‍ഹിയില്‍ ഓടുന്ന ബസ്സില്‍ യുവതി കൂട്ടമാനഭംഗത്തിനിരയായി മരിച്ചതോടെ രാജ്യത്ത്‌ അരങ്ങേറിയ പ്രതിഷേധ പ്രകടനങ്ങളെ തുടര്‍ന്നാണ്‌ ഇത്തരത്തിലൊരു ബില്ല്‌ രൂപീകരിക്കാന്‍ കേന്ദ്ര സര്‍ക്കാര്‍ നിര്‍ബന്ധിതരായത്‌.
ഇന്ത്യന്‍ ശിക്ഷാ നിയമം,ക്രിമിനല്‍ നടപടി ചട്ടം, ഇന്ത്യന്‍ തെളിവുനയം, കുട്ടികള്‍ക്കെതിരായ ലൈംഗിക അതിക്രമം തടയാനുള്ള നിയമം തുടങ്ങിയവയില്‍ ഭേദഗതി വരുത്തിയതാണ്‌ പുതിയ ബില്‍. മാനഭംഗക്കേസുകളില്‍ പ്രതികള്‍ക്ക്‌ കുറഞ്ഞത്‌ 20 വര്‍ഷം കഠിന തടവോ, ജീവപര്യന്തമോ ലഭിക്കാം. ആസിഡ്‌ ആക്രമണങ്ങളില്‍ പത്തു വര്‍ഷം തടവിന്‌ ബില്ല്‌ ശുപാര്‍ശ ചെയ്യുന്നു.
https://www.facebook.com/Malayalivartha
