വൈകിവന്ന വിവേകം: ഗണേഷ് കുമാര് ഒത്തു തീര്പ്പിന്
ഗണേഷ് കുമാര് ഭാര്യ യാമിനി തങ്കച്ചിയുമായി ഒത്തു തീര്പ്പിന്. നേരത്തെ നടന്ന ഒത്തു തീര്പ്പ് വ്യവസ്ഥകള് പാലിക്കാന് തയ്യാറാണെന്ന് ഗണേഷിന്റെ അഭിഭാഷകന് കോടതിയെ അറിയിച്ചു. കേസില് മധ്യസ്ഥ ചര്ച്ച വേണമെന്ന് ഗണേഷ് കോടതിയില് സത്യവാങ്മൂലം നല്കി. സത്യവാങ്മൂലത്തില് കോടതി ഉച്ചയ്ക്ക് വാദം കേള്ക്കും. കുട്ടികളുടെ താല്പര്യം മുന്നിര്ത്തി കോടതി മുന്നോട്ടുവെയ്ക്കുന്ന ഏത് നിര്ദേശവും അംഗീകരിക്കാന് തയാറാണെന്നും ഗണേഷ് വ്യക്തമാക്കി. കോടതിയില് വെച്ച് 25 ലക്ഷം രൂപ യാമിനിക്ക് കൈമാറുമെന്നും കുട്ടികള്ക്കുള്ള തുക അവരുടെ പേരില് ബാങ്കിലിടുമെന്നും മറുപടിയില് ഗണേഷ് വ്യക്തമാക്കി. വഴുതക്കാട്ടെ വീട്ടില് നിന്നും യാമിനിയെ ഒരു കാരണവശാലും ഇറക്കിവിടില്ലെന്നും മറുപടിയില് അറിയിച്ചിട്ടുണ്ട്. ഗണേഷിനെതിരെ ഗാര്ഹിക പീഡന നിയമപ്രകാരം കേസെടുക്കണമെന്ന് ആവശ്യപ്പെട്ടാണ് യാമിനി ഇന്നലെ തിരുവനന്തപുരം സിജെഎം കോടതിയില് ഹര്ജി നല്കിയത്. വഴുതക്കാട്ടെ വീട്ടില് നിന്ന് യാമിനിയെ ഇറക്കിവിടരുതെന്നും വീടും സ്വത്തുക്കളും വില്പന നടത്തരുതെന്നും ഗണേഷിനോട് കോടതി ഇന്നലെ നിര്ദേശിച്ചിരുന്നു.
https://www.facebook.com/Malayalivartha