സ്റ്റാലിനുള്‍പ്പെടെ നാല് ഡി.എം.കെ എം.എല്‍.എ മാരെ സസ്‌പെന്റ്‌ ചെയ്തു
മുന്‍ മുഖ്യമന്ത്രി കരുണാനിധിയുടെ മകനും മുന്‍ ഉപമുഖ്യമന്ത്രിയുമായ സ്റ്റാലിന്‍ ഉള്‍പ്പെടെ നാല് ഡി.എം.കെ എം.എല്‍.എമാരെ തമിഴ്‌നാട്‌ നിയമസഭയില്‍ നിന്നും സസ്‌പെന്റ്‌ ചെയ്തു. രണ്ടു ദിവസത്തേക്കാണ്‌ സസ്‌പെന്‍ഷന്‍. മുല്ലപ്പെരിയാര്‍ ഉള്‍പ്പെടെയുള്ള വിഷയത്തില്‍ ഡി.എം.കെ നേതാക്കന്‍മാര്‍ക്ക്‌ ചില കാര്യങ്ങള്‍ ഉന്നയിക്കാനുണ്ടെന്ന ആവശ്യം സ്‌പീക്കര്‍ നിരസിച്ചിരുന്നു. ഇതിനെ തുടര്‍ന്ന്‌ ഡി.എം.കെ അംഗങ്ങള്‍ സ്‌പീക്കറുടെ ഇരിപ്പിടത്തിന്‌ സമീപത്തെത്തി ബഹളം വെച്ചു. തുടര്‍ന്ന്‌ അവരവരുടെ ഇരിപ്പിടങ്ങളിലേക്ക്‌ തിരിച്ചു പോകാന്‍ സ്‌പീക്കര്‍ അഭ്യര്‍ത്ഥിച്ചെങ്കിലും കുറച്ചു പേര്‍ അനുസരിക്കാന്‍ തയ്യാറായില്ല. തുടര്‍ന്ന്‌ സുരക്ഷാ ജീവനക്കാര്‍ എത്തി ഇവരെ പുറത്താക്കുകയായിരുന്നു. പിന്നീട്‌ സഭ ചേര്‍ന്നപ്പോള്‍ നാല് അംഗങ്ങളെ പുറത്താക്കണമെന്ന ധനമന്ത്രിയുടെ പ്രമേയം സഭയില്‍ പാസാക്കുകയായിരുന്നു.
https://www.facebook.com/Malayalivartha
