പ്രധാനമന്ത്രി നരേന്ദ്ര മോദിയ്ക്ക് 74-ാം പിറന്നാള്...ആയുരാരോഗ്യസൗഖ്യം നേര്ന്ന് രാഷ്ട്രപതിയുള്പ്പെടെയുള്ള നേതാക്കളും മറ്റ് പ്രമുഖരും...
പ്രധാനമന്ത്രി നരേന്ദ്ര മോദിയ്ക്ക് 74-ാം പിറന്നാള്. സെപ്റ്റംബര് 17 ന് ജന്മദിനമാഘോഷിക്കുന്ന പ്രധാനമന്ത്രിയ്ക്ക് രാഷ്ട്രപതിയുള്പ്പെടെയുള്ള നേതാക്കളും മറ്റ് പ്രമുഖരും ആരാധകരും ആയുരാരോഗ്യസൗഖ്യം നേര്ന്നു. പി.എം. ആവാസ് യോജനയിലൂടെ ഒഡിഷയിലെ ഗഡ്കാനയില് നിര്മാണം പൂര്ത്തിയാക്കിയ 26 ലക്ഷം വീടുകളുടെ ഉദ്ഘാടനവും പദ്ധതിയുടെ ഗുണഭോക്താക്കളുമായുള്ള കൂടിക്കാഴ്ചയും പ്രധാനമന്ത്രിയുടെ ചൊവ്വാഴ്ചത്തെ പരിപാടികളില് ഉള്പ്പെടുന്നു. അതിനുശേഷം സുഭദ്ര യോജനയുടെ സമാരംഭവും പ്രധാനമന്ത്രി നിര്വഹിച്ചു.
എക്സ് പ്ലാറ്റ്ഫോമിലൂടെയായിരുന്നു രാഷ്ടപതി ദ്രൗപദി മുര്മു ജന്മദിനാശംസ അറിയിച്ചത്. മോദിയ്ക്ക് അഭിനന്ദനവും ആശംസയും പങ്കുവെച്ച രാഷ്ട്രപതി മോദിയുടെ അതുല്യനേതൃത്വപാടവമാണ് രാജ്യത്തിന്റെ ഐശ്വര്യവും യശസ്സുമുയര്ത്തിയതെന്നും പോസ്റ്റില് കുറിച്ചു. മോദിയുടെ നൂതനമായ പദ്ധതികളും പരിശ്രമങ്ങളും ഇന്ത്യയെ ഒരു വികസിതരാജ്യമാക്കിത്തീര്ക്കാനുള്ള പാതയിലേക്ക് എത്തിച്ചതെന്നും അവര് കൂട്ടിച്ചേര്ത്തു.
ഉപരാഷ്ട്രപതി ജഗ്ദീപ് ധന്കറും കേന്ദ്രമന്ത്രി അമിത് ഷായും കോണ്ഗ്രസ് അധ്യക്ഷന് മല്ലികാര്ജ്ജുന് ഖാര്ഗേയും പ്രധാനമന്ത്രിയ്ക്ക് പിറന്നാളാശംസ അറിയിച്ചു. കൂടാതെ വിവിധ സംസ്ഥാനമുഖ്യമന്ത്രിമാരും മോദിയ്ക്ക് ജന്മദിനാശംസ നേര്ന്നിട്ടുണ്ട്.
അതേസമയം ബോളിവുഡിലെ വിവിധ താരങ്ങള്ക്കൊപ്പം പ്രധാനമന്ത്രി പോസ് ചെയ്ത ഒരു സെല്ഫി ചിത്രം ആരാധകര് വീണ്ടും ആഘോഷിക്കുകയാണ്. പ്രധാനമന്ത്രി തന്നെയാണ് വര്ഷങ്ങള്ക്കുമുമ്പ് ഈ ചിത്രം ഇന്സ്റ്റഗ്രാം അക്കൗണ്ടിലൂടെ പോസ്റ്റ് ചെയ്തത്. രണ്വീര്സിങ്ങാണ് ഈ സെല്ഫി പകര്ത്തിയത്. രണ്ബീര് കപൂര്, വിക്കി കൗശല്, രോഹിത് ഷെട്ടി, വരുണ് ധവാന്, സിദ്ധാര്ഥ് മല്ഹോത്ര, ഭൂമി പട്നേക്കര്, ആയുഷ്മാന് ഖുറാന, രാജ്കുമാര് റാവു, കരണ് ജോഹര് തുടങ്ങി വലിയൊരു താരനില തന്നെ ഈ ചിത്രത്തിലുണ്ട്.
പ്രധാനമന്ത്രിയുമൊത്തുള്ള സെല്ഫി ചിത്രം സൂപ്പര്സ്റ്റാര് ഷാരൂഖ് ഖാനും ഒരിക്കല് പങ്കുവെച്ചിരുന്നു. ഈ സെല്ഫി ചിത്രം പകര്ത്തിയത് മറ്റൊരു സൂപ്പര്താരമായ ആമിര് ഖാനാണ്.
പ്രധാനമന്ത്രിയെ ആലിംഗനം ചെയ്യുന്നതിന്റെ ചിത്രം രണ്ബീര് സിങ്ങും പങ്കുവെച്ചിരുന്നു.
https://www.facebook.com/Malayalivartha