പിന്തുണയ്ക്കുന്ന നിലപാടിന് കിട്ടുന്ന വെള്ളിക്കാശിന്റെ കിലുക്കം കണ്ടാണ് ആ പാർട്ടിയിൽ നിൽക്കുന്നതെന്ന് അറിയാം; ബിജെപിയെ ഉപദേശിക്കാൻ മാത്രമുള്ള തഴമ്പ് ഇല്ലായെന്ന് നേതാവ് മനസിലാക്കണം; കെ മുരളീധരനെ വിമർശിച്ച് സന്ദീപ് വാചസ്പതി
കേരളത്തിൽ ബിജെപിയോട് തോറ്റ ആദ്യ കോൺഗ്രസ് നേതാവ്. മന്ത്രിയായി മത്സരിച്ചിട്ടും തോറ്റ് മന്ത്രി സ്ഥാനം രാജിവെക്കേണ്ടി വന്ന കേരളത്തിലെ ഏക നേതാവ്. കെ മുരളീധരനെ വിമർശിച്ച് സന്ദീപ് വാചസ്പതി. അദ്ദേഹത്തിന്റെ വാക്കുകൾ ഇങ്ങനെ ;- അതും കോൺഗ്രസിന്റെ കോട്ടയായിരുന്ന പഴയ വടക്കാഞ്ചേരി മണ്ഡലത്തിൽ. നേമത്ത് മൂന്നാം സ്ഥാനത്തായത് മറ്റൊന്ന്.
യുഡിഎഫ് തരംഗം ആഞ്ഞടിച്ചപ്പോൾ കേരളത്തിൽ തോറ്റ രണ്ട് കോൺഗ്രസ് എംപിമാരിൽ ഒരാൾ. കേരളത്തിൽ ഏറ്റവും കൂടുതൽ തോറ്റ കോൺഗ്രസ് നേതാവ്, മൂന്ന് തവണ മൂന്നാം സ്ഥാനത്തായ ഏക കോൺഗ്രസ് നേതാവ് (വയനാട്, നേമം, തൃശൂർ) യൂത്ത് നേതാവ് സ്വന്തം അമ്മയെ അധിക്ഷേപിച്ചത് തല കുനിച്ച് കേട്ടിരുന്ന മഹാൻ, ഒടുവിൽ അയാൾക്ക് വേണ്ടി വോട്ട് തേടേണ്ടി വന്ന ഗതികെട്ടവൻ. ഇതൊക്കെയാണ് മഹാനായ നേതാവിന്റെ കേരളത്തിലെ അവസ്ഥ. ഇത്രയൊക്കെ ആയിട്ടും വാചക കസർത്തിന് മാത്രം ഒരു കുറവുമില്ല.
പാർട്ടി അവഗണിച്ചാൽ റിട്ടയർ ചെയ്യുമത്രേ.... പാർട്ടി അവഗണിക്കുകയല്ല, അവഹേളിക്കുകയാണെന്ന് തിരിച്ചറിയാത്തത് നാട്ടുകാരുടെ കുറ്റമല്ല. മാറാട് കൂട്ടക്കുരുതിയുടെ കാലം മുതൽ ഭീകരൻമാരെ പിന്തുണയ്ക്കുന്ന നിലപാടിന് കിട്ടുന്ന വെള്ളിക്കാശിന്റെ കിലുക്കം കണ്ടാണ് ആ പാർട്ടിയിൽ നിൽക്കുന്നതെന്ന് അറിയാം. പക്ഷേ അതിന്റെ പിൻബലത്തിൽ ബിജെപിയെ ഉപദേശിക്കാൻ മാത്രമുള്ള തഴമ്പ് ഇല്ലായെന്ന് നേതാവ് മനസിലാക്കണം.
https://www.facebook.com/Malayalivartha