പൂരം കലക്കലില് ഇപ്പോഴത്തെ അന്വേഷണം ഉപതെരഞ്ഞെടുപ്പ് പശ്ചാത്തലത്തിലെ പരിദേവനം മാത്രമാണ്; സിബിഐയെ വരുത്തണമെന്ന് വെല്ലുവിളിച്ച് കേന്ദ്ര സഹമന്ത്രി സുരേഷ് ഗോപി
പൂരം കലക്കലില് ഇപ്പോഴത്തെ അന്വേഷണം ഉപതെരഞ്ഞെടുപ്പ് പശ്ചാത്തലത്തിലെ പരിദേവനം മാത്രമാണെന്നും ചേലക്കരയിലൂടെ കേരളം എടുക്കുമെന്നും കേന്ദ്ര സഹമന്ത്രി സുരേഷ് ഗോപി. സിനിമയില് നിന്ന് ഇറങ്ങാന് തനിക്ക് സൗകര്യമില്ല. സിനിമ തന്റെ ചോരയും മാംസവും മജ്ജയും നീരുമാണ് എന്നും അദ്ദേഹം പറഞ്ഞു.
ആംബുലന്സില് എന്നെ കണ്ട കാഴ്ച മായക്കാഴ്ചയാണോ യഥാര്ഥ കാഴ്ചയാണോ എന്നൊക്കെ വ്യക്തമാകണമെങ്കില് കേരളത്തിലെ പിണറായിയുടെ പൊലീസ് അന്വേഷിച്ചാല് സത്യമറിയാന് സാധിക്കില്ല. അതിന് സിബിഐ വരണമെന്നും നേരിടാന് ഞാന് തയ്യാറാണ് എന്നും സിബിഐയെ വരുത്തണമെന്നും സുരേഷ് ഗോപി വെല്ലുവിളിച്ചു .
ചങ്കൂറ്റമുണ്ടെങ്കില് ഒറ്റ തന്തയ്ക്ക് പിറന്നതാണെങ്കില് സിബിഐക്ക് വിടൂ. തിരുവമ്പാടിയും പാറമേക്കാവും അവരുടെ സത്യം പറയട്ടെ. ദുഷിച്ച രാഷ്ട്രീയത്തിന്റെ ചോര എന്റെ കുടുംബത്തില് ഇല്ല. ചോര കൊടിയേന്തിയവരുടെ ചോര രാഷ്ട്രീയം എത്ര പേരെ കൊന്നുവെന്നും നവീന് ബാബു വിഷയം ഉയര്ത്തി സുരേഷ് ഗോപി ചോദിച്ചു.
https://www.facebook.com/Malayalivartha
