എ കെ ജിയെ പറ്റി മോശമായ രീതിയിൽ പരാമർശം നടത്തിയ വി.ടി. ബല്‍റാം എം.എല്‍.എ.ക്കെതിരെ നല്ല രീതിയിലുള്ള വിമർശനങ്ങൾ ഉയർന്നു വന്നിരുന്നു. എന്നാൽ പ്രത്യേക സാഹചര്യത്തിലാണ്​ അന്ന്​ അഭിപ്രായം പറയേണ്ടി വന്നതെന്ന്​ വി.ടി. ബല്‍റാമിന്റെ വിശദീകരണം. കൊണ്ടോട്ടി മുനിസിപ്പല്‍ കോണ്‍ഗ്രസ്​ കമ്മിറ്റിയുടെ രാഷ്​ട്രീയ വിശദീകരണ യോഗത്തില്‍ എ.കെ.ജി വിവാദത്തെ പരാമര്‍ശിച്ച്‌​ സംസാരിക്കുകയായിരുന്നു അ​ദ്ദേഹം. വിവാദവുമായി മുന്നോട്ട്​ പോകാന്‍ താല്‍പര്യമില്ലെന്ന്​ പറഞ്ഞിട്ടും നൂറ്​ പേര്‍ പോലും കാണാന്‍ സാധ്യതയില്ലാത്ത കമന്‍റ്​ സ്​ക്രീന്‍ഷോട്ട്​ എടുത്ത്​ പ്രചരിപ്പിക്കുകയായിരുന്നു എന്നും അദ്ദേഹം പറഞ്ഞു.

കൂടാതെ കമ്യൂണിസ്റ്റ് പാർട്ടിക്കെതിരെ അദ്ദേഹം ആഞ്ഞടിക്കുകയും ചെയ്തു . സംഘ്​പരിവാറും സി.പി.എമ്മും ഒരേ നാണയത്തി​ന്റെ ഇരുവശങ്ങളല്ല, ഒരേ വശങ്ങളാണെന്നും ബല്‍റാം അഭിപ്രായപ്പെട്ടു. അവര്‍ക്ക്​ കോണ്‍ഗ്രസി​ന്റെ ഏത്​ നേതാക്കളെക്കുറിച്ചും അസഭ്യം പറയാം. പ്രത്യേക തരക്കാരായി ചിത്രീകരിച്ച്‌​ പുകമറയില്‍ നിര്‍ത്താം. കാരണം പറയുന്നത്​ സി.പി.എമ്മാണ്. എല്ലാ കാലത്തും സി.പി.എമ്മാണ്​ ചരിത്രം നിര്‍മിച്ചിട്ടുള്ളത്​. ബൗദ്ധിക, മാധ്യമ, സാംസ്​കാരിക രംഗത്ത്​ അവരുടെ മസ്​തിഷ്​ക പ്രക്ഷാളനമാണ്​ നടക്കുന്നത്​. അതി​ന്റെ ഭാഗമായാണ്​ ഒളിവ്​ ജീവിതത്തി​ന്റെ വീര ഇതിഹാസങ്ങള്‍ പ്രചരിപ്പിക്കുന്നത്​. ആ നിലയിലുള്ള സമീപനത്തി​ന്റെ നാളുകള്‍ കേരളത്തില്‍ കഴിഞ്ഞു. ഒരു നാവ്​ പിഴുതെടുക്കാന്‍ ശ്രമിച്ചാല്‍ പതിനായിരക്കണക്കിന്​ നാവുകള്‍ ഉയര്‍ന്ന്​ വരും.

​ചൈന ഇന്ത്യയെ ആ​ക്രമിക്കുന്ന സമയത്ത്​ ആ മണ്ണ്​ നമ്മുടേതാണ്​ എന്ന്​ പറയാന്‍ ആര്‍ജവം കാണിക്കാത്ത ​​ചൈന ചാരന്‍മാരായ കമ്യൂണിസ്​റ്റുകള്‍ ഇന്നും അതേ പ്രവര്‍ത്തനവുമായി മുന്നോട്ട്​ പോവുകയാണ്​. ഫാഷിസ്​റ്റ്​ കാലത്ത്​ ഫാഷിസ്​റ്റുകള്‍ക്ക്​ പോലും പിടിച്ചുനില്‍ക്കാനാകാത്ത സാഹചര്യമാണ്​ എന്നും ബല്‍റാം അഭിപ്രായപ്പെട്ടു.