കേരള കോൺഗ്രസുമായുള്ള സഖ്യ സാധ്യതയെ പൂർണ്ണമായും തള്ളാതെ സി​പി​എം സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​ന്‍. കോ​ണ്‍​ഗ്ര​സി​നേ​ക്കാ​ള്‍ അ​ഴി​മ​തി​ക്കാ​ര​ല്ല, കേ​ര​ള കോ​ണ്‍​ഗ്ര​സ് പാ​ര്‍​ട്ടി.കോ​ണ്‍​ഗ്ര​സി​നോ​ടു​ള്ള ന​യ​മ​ല്ല കേ​ര​ള കോ​ണ്‍​ഗ്ര​സി​നോ​ടു​ള്ള​തെ​ന്നും അദ്ദേഹം വ്യക്തമാക്കി.

കോ​ണ്‍​ഗ്ര​സു​മാ​യി കൂ​ട്ടു​കെ​ട്ട് അ​സാ​ധ്യ​മാ​ണ്. ആ ​മു​ന്ന​ണി​യു​മാ​യി രാ​ഷ്ട്രീ​യ​പ​ര​മാ​യി യോ​ജി​പ്പി​ല്ല. യു​ഡി​എ​ഫി​നെ ശി​ഥി​ല​മാ​ക്കു​ക​യാ​ണ് സി​പി​എ​മ്മി​ന്‍റെ ലക്ഷ്യമെന്നും കോടിയേരി വ്യക്തമാക്കി.സിപിഎം സംസ്ഥാന സമ്മേളനത്തിനിടെ മാധ്യമങ്ങള്‍ക്കു നല്‍കിയ അഭിമുഖത്തിലാണ് കോടിയേരി നിലപാട് അറിയിച്ചത്.

സിപിഐ നിഴല്‍യുദ്ധം നടത്തുകയാണ്. തര്‍ക്കങ്ങളുണ്ടെങ്കില്‍ നേരിട്ടു പറയുകയാണ് വേണ്ടത്. മാണി എല്‍ഡിഎഫിലേക്കു വരുമെന്നു പറഞ്ഞിട്ടില്ല. ചര്‍ച്ചയുടെ പ്രസക്തി അദ്ദേഹം താൽപര്യമറിയിച്ചാല്‍ മാത്രമാണെന്നും അദ്ദേഹം പറഞ്ഞു.

കേ​ര​ള​ത്തി​ലെ രാ​ഷ്ട്രീ​യ അ​ക്ര​മ​ങ്ങ​ൾ നേ​തൃ​ത​ല​ത്തി​ലെ ആ​ലോ​ച​ന​യു​ടെ ഫ​ല​മ​ല്ല. പ്രാ​ദേ​ശി​ക​മാ​യ വി​കാ​ര പ്ര​ക​ട​ന​ങ്ങ​ളാ​ണ് ഇ​ത്ത​രം അ​ക്ര​മ​ങ്ങ​ളി​ലേ​ക്കു ന​യി​ക്കു​ന്ന​ത്. വെ​ല്ലു​വി​ളി​ക​ളെ പ്ര​തി​രോ​ധി​ക്കേ​ണ്ട​ത് അ​ക്ര​മ​ങ്ങ​ൾ​കൊ​ണ്ട​ല്ല. പു​തി​യ സാ​ഹ​ച​ര്യ​ത്തി​ൽ അ​ക്ര​മ​ങ്ങ​ൾ​കൊ​ണ്ട് പാ​ർ​ട്ടി​ക്കാ​ണു ന​ഷ്ടം. ഇ​ത് അ​ണി​ക​ളെ ബോ​ധ്യ​പ്പെ​ടു​ത്തു​മെ​ന്നും കോ​ടി​യേ​രി കൂ​ട്ടി​ച്ചേ​ർ​ത്തു.