എം.​പി. വീ​രേ​ന്ദ്ര​കു​മാ​റി​ന്‍റെ ജെ​ഡി​യുവിന് രാജ്യസഭാ സീറ്റ് നൽകാൻ ഇടത് മുന്നണി യോഗത്തിൽ തീരുമാനമായി. യു​ഡി​എ​ഫ് വി​ട്ടു​നി​ല്‍​ക്കു​ന്ന ജെ​ഡി​യു​മാ​യി ഇടത് മുന്നണി സഹകരിക്കുമെങ്കിലും മുന്നണി പ്രവേശനത്തെ സംബന്ധിച്ച കാര്യത്തിൽ തീരുമാനമായില്ല.

ഇ​ട​തു​മു​ന്ന​ണി​യു​മാ​യി സ​ഹ​ക​രി​ക്കു​ന്ന​തു സം​ബ​ന്ധി​ച്ച ക​ത്ത് ഇ​ന്ന് വീ​രേ​ന്ദ്ര​കു​മാ​ര്‍ എല്‍.ഡി.എഫ് ക​ണ്‍​വീ​ന​ര്‍ വൈ​ക്കം വി​ശ്വ​നു ന​ല്‍​കി​യി​രു​ന്നു. ഇതിന് പിന്നാലെയാണ് ഇടത് മുന്നണിയുടെ തീരുമാനം. വീരേന്ദ്രകുമാര്‍ പക്ഷത്തിന് സീറ്റ് നല്‍കുന്നതില്‍ മുന്നണിയിലെ മറ്റു കക്ഷികള്‍ക്കും എതിര്‍പ്പുണ്ടായിരുന്നില്ല. എല്‍.ഡി.എഫ് വിട്ടുപോയ വീരേന്ദ്രകുമാര്‍ പക്ഷം തിരിച്ചുവന്നാല്‍ സ്വീകരിക്കുമെന്ന നിലപാടാണ് എല്‍.ഡി.എഫിനുള്ളത്.

നിതീഷ് കുമാറിന്റെ നേതൃത്വത്തില്‍ ജെ.ഡി.യു എന്‍.ഡി.എ മുന്നണിയിലേക്ക് പോയയോടെയാണ് വീരേന്ദ്രകുമാര്‍ രാജ്യസഭാംഗത്വം രാജിവെച്ചത്. രാ​ജ്യ​സ​ഭ സീ​റ്റി​ലേ​ക്ക് നാ​മ​നി​ര്‍​ദേ​ശ​പ​ത്രി​ക സ​മ​ര്‍​പ്പി​ക്കാ​നു​ള്ള അ​വ​സാ​ന തീ​യ​തി ഈ ​മാ​സം 12 ആ​ണ്.അതേസമയം ഇടത് മുന്നണി തീരുമാനത്തിൽ സന്തോഷമുണ്ടെന്ന് വീ​രേ​ന്ദ്ര​കു​മാ​ര്‍ പ്രതികരിച്ചു.