പഴയ സമ്പ്രദായം തിരുത്തി യുഎഇ; കോളടിച്ചത് പ്രവാസികൾക്ക്!! ഇനി സാധാരണക്കാരനും കുടുംബത്തോടൊപ്പം താമസിക്കാം
ഇന്ത്യക്കാര് ഉള്പ്പടെയുള്ള വിദേശികളുടെ കുടുംബവുമായുള്ള താമസം, യുഎഇയില് കൂടുതല് വര്ധിപ്പിക്കുക എന്ന ലക്ഷ്യത്തിലാണ് ഈ പുതിയ മാറ്റം. ഇതോടെ സാധാരണക്കാരനും ഇനി കുടുംബത്തെ സ്വന്തം വീസയില് കൂടെ താമസിപ്പിക്കാന് ആകും. വിദേശികള്ക്ക് കുടുംബത്തെ സ്പോണ്സര് ചെയ്യാനുള്ള ശമ്ബള പരിധി നാലായിരം ദിര്ഹമാക്കി കുറച്ചു. ഇതനുസരിച്ച്, മൂവായിരം ദിര്ഹം ശമ്ബളമോ, മ്ബനി സ്പോണ്സര് ചെയ്യുന്ന താമസ സൗകര്യവുമുളള മൂവായിരം ദിര്ഹം ശമ്ബളമുള്ള വിദേശികള്ക്കും ഇനി കുടുംബത്തെ യുഎഇയില് സ്ഥിരമായി താമസിപ്പിക്കാം. നിലവില് അയ്യായ്യിരം ദിര്ഹവും അതില് കൂടുതലും ശമ്ബളമുള്ള വിദേശികളായ തൊഴിലാളികള്ക്കാണ് കുടുംബത്തെ താമസിപ്പിക്കാനുള്ള അനുമതിയുള്ളത്. ഈ പഴയ സമ്ബ്രദായമാണ് യുഎഇ തിരുത്തിയത്. വീസയിലെ പ്രഫഷനോ, വലിയ വരുമാനമോ, പഴയ പോലുള്ള മറ്റു നിബന്ധനകളോ ഒന്നും ആവശ്യമില്ലെന്ന് ഫെഡറല് അതോറിറ്റി ഫോര് ഐഡിന്റിറ്റി ആന്ഡ് സിറ്റിസണ്ഷിപ്പ് വ്യക്തമാക്കി.
വിദേശികള്ക്ക് അനുകൂലമായി അടുത്തക്കാലത്ത് യുഎഇയില് നടപ്പാക്കി വരുന്ന പുതിയ വീസ ഇളവുകളിലെ, ഏറ്റവും സുപ്രധാന തീരുമാനമാണിത്. ഭര്ത്താവിനും ഭാര്യയ്ക്കും പുറമേ 18 വയസ്സിന് താഴെയുള്ള കുട്ടിയ്ക്കും അവിവാഹിതരായ പെണ്മക്കള്ക്കോ ഇത്തരത്തില് യുഎഇയില് താമസിക്കാം. വിദേശ തൊഴിലാളികള്ക്ക്, അവരുടെ കുടുംബങ്ങളെ സ്പോണ്സര് ചെയ്യുന്നതിനുളള പ്രമേയത്തിലെ ഈ വ്യവസ്ഥകള് ഭേദഗതി ചെയ്യാനുള്ള തീരുമാനം, യുഎഇ മന്ത്രിസഭ നേരത്തെ സ്വീകരിച്ചിരുന്നു.
https://www.facebook.com/Malayalivartha