വ്യക്തിഗത വീസയിലെത്തിയ ഇന്ത്യക്കാര്ക്ക് ഇഖാമ പുതുക്കാനാകാത്ത പ്രതിസന്ധിയുണ്ടെങ്കില് നാട്ടിലേക്ക് മടങ്ങാന് അവസരം
ഇഖാമ പുതുക്കാനാകാതെ സൗദിയില് പ്രതിസന്ധിയിലായ ഇന്ത്യക്കാര്ക്കു നാട്ടിലേക്ക് മടങ്ങാന് അവസരം. റിയാദിലെ ഇന്ത്യന് എംബസിയാണ് വ്യക്തിഗത വീസയിലുള്ളവര്ക്ക് തര്ഹീല് വഴി നാട്ടിലേക്ക് മടങ്ങാന് അവസരമൊരുക്കുമെന്ന് അറിയിച്ചത്. താല്പര്യമുള്ളവര് എംബസിയിലോ കോണ്സുലേറ്റിലോ റജിസ്റ്റര് ചെയ്യണം.
കമ്പനി ജീവനക്കാര്, മറ്റ് സ്ഥാപനങ്ങളില് ജോലി ചെയ്യുന്നവര്, കേസിലകപെട്ടവര് തുടങ്ങിയവര്ക്ക് ഈ അവസരം പ്രയോജനപ്പെടുത്താനാകില്ല. നിലവില് ഹൗസ് ഡ്രൈവര് അടക്കമുള്ള വ്യക്തിഗത വീസകളിലെത്തിയവരില് ഇഖാമ പുതുക്കാനാകാതെ പ്രതിസന്ധിയിലായവര്ക്കാണ് നാട്ടിലേക്കു മടങ്ങാന് അവസരം ഒരുങ്ങുന്നത്.
ഹൂറൂബ് കേസുകളില് അകപ്പെട്ടവരെ പരിഗണിക്കും. നാട്ടിലേക്ക് മടങ്ങാന് ആഗ്രഹിക്കുന്നവര് ഇന്ത്യന് എംബസിയുമായോ കോണ്സുലേറ്റുമായോ ബന്ധപ്പെട്ടു പേരു റജിസ്റ്റര് ചെയ്യണം.
രജിസ്റ്റര് ചെയ്യുന്നവര്ക്ക് ആവശ്യമായ യാത്രാ രേഖകള് എംബസി കൈമാറും. പ്രതിദിനം അന്പതുപേര്ക്കു മാത്രമേ ഇത്തരത്തില് മടങ്ങാനാകൂ. ഞായറാഴ്ച മുതല് നടപടി ക്രമങ്ങള് തുടങ്ങും. സംശയനിവാരണത്തിന് 800 247 1234 എന്ന ടോള്ഫ്രീ നമ്പരില് വിളിക്കാവുന്നതാണെന്നും എംബസി അറിയിക്കുന്നു.
https://www.facebook.com/Malayalivartha