പത്തുലക്ഷം പേര്‍ക്കു താമസിക്കാന്‍ കഴിയുന്ന പിരമിഡ്‌ നഗരം ദുബായില്‍ ഒരുങ്ങുന്നു
22 JUNE 2013 05:37 AM IST
മലയാളി വാര്‍ത്ത.
ലോകത്തിലെ ഏറ്റവും വലിയ ജനവാസ കേന്ദ്രമായ കെട്ടിട സമുച്ചയം ദുബായില്‍ തയ്യാറാകുന്നു. പിരമിഡ്‌ ആകൃതിയിലാണ്‌ ഇത് രൂപകല്‍പ്പന ചെയ്‌തിരിക്കുന്നത്‌. അതുകൊണ്ട്‌ തന്നെ ഇതിന്‌ സുഗുറാറ്റ്‌ എന്നാണ്‌ പേരിട്ടിരിക്കുന്നത്‌. 10 ലക്ഷം പേര്‍ക്ക്‌ ഈ നഗരത്തില്‍ താമസിക്കാന്‍ കഴിയും. രണ്ടര ചതുരക്ര കിലോമീറ്ററോളം വിസ്‌തൃതിയുള്ള ഈ നഗരം പൂര്‍ണമായും പാരമ്പര്യേതര ഊര്‍ജം ഉപയോഗിച്ചായിരിക്കും പ്രവര്‍ത്തിക്കുക. പുറത്തുനിന്നുള്ള വൈദ്യുതി പൂര്‍ണമായും ഒഴിവാക്കി കാറ്റില്‍ നിന്നും സൂര്യപ്രകാശത്തില്‍ നിന്നുമായിരിക്കും വൈദ്യുതി ഉല്‍പ്പാദിപ്പിക്കുക.
എണ്ണ പൂര്‍ണമായും അവസാനിച്ചാലും പിടിച്ചു നില്‍ക്കാനുള്ള ദുബായുടെ യത്‌നത്തിന്റെ ഭാഗമാണ്‌ ഈ നഗരം. സിറ്റിസ്‌കേപ്പ്‌ ദുബായ്‌ എന്ന പേരില്‍ ഈ നഗരം ഒക്‌ടോബറില്‍ ജനങ്ങള്‍ക്ക്‌ തുറന്നു കൊടുക്കും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
