ബഹ്റൈനില്‍ കോഴിക്കോട് വടകര സ്വദേശി ഓഫീസില്‍ കുഴഞ്ഞു വീണു, ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. 

കോഴിക്കോട് വടകര കൈനാട്ടി മീത്തലങ്ങാടി മുട്ടുങ്കല്‍ വെസ്റ്റ് രാമത്ത് റഹീസ് (42) കുഴഞ്ഞുവീണ് മരിച്ചത്.

ബഹ്റൈനിലെ കാര്‍ഗോ കമ്പനിയിലായിരുന്നു ജോലി. ഇന്നലെ വൈകുന്നേരം ഓഫിസില്‍ വച്ച് കുഴഞ്ഞു വീഴുകയായിരുന്നു. സഹപ്രവര്‍ത്തകര്‍ ഉടന്‍ തന്നെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഹൃദയാഘാതമാണ് മരണകാരണമെന്ന് കരുതുന്നു. ഇദ്ദേഹം അടുത്തിടെയാണ് അവധി കഴിഞ്ഞ് ജോലിയില്‍ പ്രവേശിച്ചത്.

മൂന്നു മക്കള്‍ അടങ്ങിയ കുടുംബം നാട്ടിലാണ്. മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങള്‍ പുരോഗമിക്കുന്നു.