പ്രാര്‍ത്ഥനകള്‍ വിഫലം.... സൗദിയില്‍ ജോലി ചെയ്യുകയായിരുന്ന തിരുവനന്തപുരം വര്‍ക്കല സ്വദേശിയായ അര്‍ബുദ ബാധിതനായ യുവാവ് നാട്ടിലെത്തി ചികിത്സയില്‍ കഴിയുന്നതിനിടെ മരണത്തിന് കീഴടങ്ങി
പ്രാര്‍ത്ഥനകള്‍ വിഫലം.... സൗദിയില്‍ ജോലി ചെയ്യുകയായിരുന്ന തിരുവനന്തപുരം വര്‍ക്കല സ്വദേശിയായ അര്‍ബുദ ബാധിതനായ യുവാവ് നാട്ടിലെത്തി ചികിത്സയില്‍ കഴിയുന്നതിനിടെ മരണത്തിന് കീഴടങ്ങി. സൗദിയില്‍ ജോലി ചെയ്യുകയായിരുന്ന തിരുവനന്തപുരം വര്‍ക്കല സ്വദേശിയായ ഷരുണ്‍ (27) ആണ് നാട്ടിലെത്തി ചികിത്സയില്‍ കഴിയുന്നതിനിടെയാണ് മരിച്ചത്.
അല്‍അഹ്‌സ ഷുഖൈഖില്‍ ഇലക്ട്രീഷനായി ജോലി ചെയ്യുകയായിരുന്ന യുവാവിന് ഏതാനും മാസം മുമ്പാണ് കടുത്ത പനി ബാധിച്ചത്. ഡോക്‌റെ കാണിച്ച് മരുന്ന് കഴിച്ചിട്ടും അസുഖം മാറാത്തതിനെ തുടര്‍ന്ന് നാട്ടിലെത്തി ചികിത്സ തേടുകയായിരുന്നു. അപ്പോഴാണ് അര്‍ബുദമാണ് ബാധിച്ചതെന്ന് സ്ഥിരീകരിച്ചത്.
ഏറെ സാമ്പത്തികപ്രതിസന്ധിയില്‍ ആയിരുന്ന ഷരുണിന്റെ കുടുംബത്തിന് തുടര്‍ചികിത്സ നടത്താനായി ബുദ്ധിമുട്ട് ഉണ്ടായപ്പോള്‍, നവയുഗം സാംസ്‌കാരികവേദി അല്‍അഹ്‌സ ഷുഖൈഖ് യൂണിറ്റ് രക്ഷാധികാരിയായ ജലീല്‍ കല്ലമ്പലത്തിനെ ബന്ധപ്പെട്ട് സഹായം അഭ്യര്‍ഥിച്ചു.
ജലീലിന്റെയും നവയുഗം ജീവകാരുണ്യപ്രവര്‍ത്തകന്‍ സിയാദ് പള്ളിമുക്കിന്റെയും നേതൃത്വത്തില്‍ ഷുഖൈഖ് യൂനിറ്റിന്റെ കീഴില്‍ പണം സ്വരൂപിച്ച് നാട്ടിലെത്തിച്ചു. എന്നാല്‍, ചികിത്സ തുടരുന്നതിനിടയില്‍ അസുഖം മൂര്‍ച്ഛിച്ച് മരണം സംഭവിച്ചു.
https://www.facebook.com/Malayalivartha
