റിയാദില്‍ ജോലി ചെയ്യുന്ന തിരുവനന്തപുരം വര്‍ക്കല സ്വദേശിക്ക് വാഹനാപകടത്തില്‍ ദാരുണാന്ത്യം. ദമ്മാം റിയാദ് ഹൈവേയിലുണ്ടായ വാഹനാപകടത്തിലാണ് മലയാളി യുവാവ് മരിച്ചത്.

റിയാദില്‍ ജോലി ചെയ്യുന്ന തിരുവനന്തപുരം വര്‍ക്കല സ്വദേശി അജിത് മോഹന്‍ (29) ആണ് മരിച്ചത്. റിയാദില്‍ നിന്ന് ദമ്മാമിലേക്ക് ലോഡുമായി പോവുകയായിരുന്ന ട്രക്ക് റിയാദ് നഗരത്തോട് ചേര്‍ന്നുള്ള ചെക്ക് പോയന്റിന് സമീപം മറിയുകയായിരുന്നു. അജിത്താണ് വാഹനം ഓടിച്ചിരുന്നത്. അജിത് സംഭവസ്ഥലത്ത് തന്നെ മരണമടഞ്ഞു.

മോഹനന്‍ വാസുദേവന്‍ ലത ദമ്പതികളുടെ മകനാണ്. ഭാര്യ: അനഘ വിജയകുമാര്‍. മകന്‍: മോഹനന്‍. മൃതദേഹം നാട്ടിലേക്ക് അയക്കുന്നതിനുള്ള നടപടിക്രമങ്ങള്‍ പുരോഗമിക്കുന്നു, 

അതേസമയം സഹോദരിയുടെ വീട്ടില്‍ പോയി മടങ്ങവേ ബൈക്കപകടത്തില്‍ പ്രവാസി മലയാളി യുവാവിന് ദാരുണാന്ത്യം. കൊല്ലം മൈനാഗപ്പള്ളി സ്വദേശി ഷമീര്‍ (35) ആണ് മരിച്ചത്. ചികിത്സയിലിരിക്കെയാണ് മരണം സംഭവിച്ചത്.

വ്യാഴാഴ്ച സഹോദരിയുടെ വീട്ടില്‍ പോയി മടങ്ങുന്നതിനിടെ ഷമീര്‍ സഞ്ചരിച്ച ബൈക്കിന്റെ പിന്നില്‍ മറ്റൊരു ബൈക്കിടിച്ചാണ് അപകടം നടന്നത്. പിന്നാലെ ഷമീറിനെ സ്വകാര്യ ആശുപത്രിയില്‍ പിന്നാലെ എറണാകുളം ആസ്റ്ററിലും പ്രവേശിപ്പിച്ചു. പക്ഷേ ജീവന്‍ തിരിച്ചുപിടിക്കാന്‍ കഴിഞ്ഞില്ല.

റിയാദിലാണ് ഷമീര്‍ ജോലി ചെയ്യുന്നത്. ഒരു മാസം മുന്‍പാണ് ഷമീര്‍ അവധിക്ക് നാട്ടിലെത്തിയത്. പുതിയ വീട്ടില്‍ താമസം ആരംഭിക്കാനിരിക്കെയാണ് മരണം. 10 വര്‍ഷമായി റിയാദില്‍ െ്രെഡവറായി ജോലി ചെയ്യുകയാണ് ഷമീര്‍. റിയാദിലേക്ക് മടങ്ങാനുള്ള ഒരുക്കത്തിനിടെയാണ് വിധി തട്ടിയെടുത്തത്. ഭാര്യ: റഹീന, രണ്ടു മക്കളുണ്ട്.