നാട്ടിലേക്ക് വരാനിരിക്കെ.... കോഴിക്കോട് സ്വദേശിയെ ഒമാനിലെ താമസ സ്ഥലത്ത് മരിച്ച നിലയില്‍ കണ്ടെത്തി...
കോഴിക്കോട് സ്വദേശിയെ ഒമാനിലെ താമസ സ്ഥലത്ത് മരിച്ച നിലയില്‍ കണ്ടെത്തി. നല്ലളം കീഴുവനപ്പാടം വീട്ടില്‍ നവാസിനെ (47)യാണ് സൂര്‍ സൂഖിലെ മുസ്ഫയ്യ ജുമാ മസ്ജിദിന് പിന്‍വശമുള്ള റൂമില്‍ മരിച്ച നിലയില്‍ കണ്ടെത്തിയത്.സൂഖ് പഴയ മീന്‍മാര്‍ക്കറ്റിന് പിറകിലുള്ള കര്‍ട്ടന്‍ കടയില്‍ ജോലി ചെയ്തുവരികയായിരുന്നു.
ഇദ്ദേഹത്തിന്റെ മകളുടെ വിവാഹം മാര്‍ച്ചില്‍ നിശ്ചയിച്ചിരുന്നു. ഇതിനായി ഫെബ്രുവരിയില്‍ നാട്ടില്‍ പോകാനിരിക്കെയാണ് മരണം. പിതാവ്: എറക്കുത്ത് അബൂബക്കര്‍. മാതാവ്: ബീവി. ഭാര്യ: സൈറ ബാനു. മക്കള്‍: ശബാന ജാസ്മിന്‍, ഷഹാന ജാസ്മിന്‍.
സഹോദരങ്ങള്‍: സലിം (നല്ലളം), മുനീര്‍ ബാബു, നൗഷിദ. മൃതദേഹം നടപടികള്‍ പൂര്‍ത്തിയാക്കി നാട്ടിലേക്ക് കൊണ്ടുപോകും.
അതേസമയം കോഴിക്കോട് തിക്കോടി പള്ളിക്കര സ്വദേശിനിയായ യുവതി ഖത്തറില്‍ താമസസ്ഥലത്ത് കുഴഞ്ഞു വീണു, ചികിത്സയിലിരിക്കെ മരിച്ചു
പള്ളിക്കര കണ്ടിയില്‍ നാസിബിന്റെയും ഹസീനയുടെയും മകളും, തിക്കോടി അങ്ങേക്കരവളപ്പില്‍ സുനൈദിന്റെ ഭാര്യയുമായ അന്‍സി സുനൈദ് (29) ആണ് ഹൃദയാഘാതത്തെ തുടര്‍ന്ന് ശനിയാഴ്ച ഉച്ചയോടെ മരിച്ചത്.
ബുധനാഴ്ച താമസ സ്ഥലത്ത് കുഴഞ്ഞു വീണതിനെ തുടര്‍ന്ന് ഹമദ് മെഡിക്കല്‍കോര്‍പറേഷന്‍ ആശുപത്രിയില്‍ ചികിത്സയില്‍ കഴിയുകയായിരുന്നു. സയ സുനൈദ് (അഞ്ചു വയസ്സ്) ഏക മകളാണ്. അന്‍സാര്‍, നാഫില്‍ എന്നിവരാണ് സഹോദരങ്ങള്‍.
ദോഹയില്‍ സ്വകാര്യസ്ഥാപനത്തില്‍ ജീവനക്കാരിയായിരുന്നു അന്‍സി സുനൈദ്. മയ്യത്ത് നിസ്‌ക്കാരം ഞായറാഴ്ച 11.45ന് അബൂ ഹമര്‍ പള്ളിയില്‍ നടക്കും. കെ.എം.സി.സി അല്‍ ഇഹ്‌സാന്‍ മയ്യിത്ത് പരിപാലന സമിതിയുടെ നേതൃത്വത്തില്‍ നടപടികള്‍ പൂര്‍ത്തിയാക്കിയ ശേഷം മൃതദേഹം ഇന്ന് നാട്ടിലേക്ക് കൊണ്ടു വരും.
https://www.facebook.com/Malayalivartha
