ഉംറക്കെത്തിയ മലപ്പുറം സ്വദേശിനി മദീനയില്‍ മരിച്ചു....റൗദ സന്ദര്‍ശനം പൂര്‍ത്തിയാക്കിയതിന് ശേഷം താമസസ്ഥലത്തു വെച്ച് ശ്വാസതടസ്സമനുഭവപ്പെടുകയായിരുന്നു
27 JANUARY 2024 08:16 AM IST
മലയാളി വാര്‍ത്ത
ഉംറക്കെത്തിയ മലപ്പുറം സ്വദേശിനി മദീനയില്‍ മരിച്ചു....റൗദ സന്ദര്‍ശനം പൂര്‍ത്തിയാക്കിയതിന് ശേഷം താമസസ്ഥലത്തു വെച്ച് ശ്വാസതടസ്സമനുഭവപ്പെടുകയായിരുന്നു.
മൂന്നിയൂര്‍, ചിനക്കല്‍ സ്വദേശി റുഖിയ മാളിയേക്കല്‍ (68) ആണ് മരിച്ചത്. സ്വകാര്യ ഗ്രൂപ്പില്‍ എത്തിയ ഇവര്‍ ഉംറ നിര്‍വഹിച്ചതിന് ശേഷം മദീന സന്ദര്‍ശനത്തിനെത്തിയതായിരുന്നു. റൗദ സന്ദര്‍ശനം പൂര്‍ത്തിയാക്കിയതിന് ശേഷം താമസസ്ഥലത്തു വെച്ച് വെള്ളിയാഴ്ച രാവിലെ ശ്വാസതടസം അനുഭവപ്പെടുകയും ഉടന്‍ മരിക്കുകയുമായിരുന്നു.
മകള്‍ ബുഷ്റ കൂടെയുണ്ടായിരുന്നു. ഭര്‍ത്താവ്: മുഹമ്മദ് കറുത്തേടത്ത്, മക്കള്‍: ബുഷ്റ, നജ്മുന്നീസ. നിയമ നടപടിക്രമങ്ങള്‍ പൂര്‍ത്തിയാക്കി മൃതദേഹം ശനിയാഴ്ച മദീനയിലെ ജന്നത്തുല്‍ ബഖീഹ് മഖ്ബറയില്‍ ഖബറടക്കുമെന്ന് സാമൂഹിക പ്രവര്‍ത്തകര്‍ അറിയിക്കുകയും ചെയ്തു.
"
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
