യുഎസില്‍ ഇന്ത്യന്‍ വിദ്യാര്‍ത്ഥിയെ മരിച്ച നിലയില്‍ കണ്ടെത്തി... കഴിഞ്ഞ ഒരാഴ്ചയ്ക്കിടെ യുഎസില്‍ മരിക്കുന്ന മൂന്നാമത്തെ വിദ്യാര്‍ത്ഥിയാണിത്
യുഎസിലെ സിന്‍സിനാറ്റിയില്‍ ഇന്ത്യന്‍ വിദ്യാര്‍ത്ഥിയെ മരിച്ച നിലയില്‍ കണ്ടെത്തി. മരണകാരണം ഇതുവരെ വ്യക്തമായിട്ടില്ല. കഴിഞ്ഞ ഒരാഴ്ചയ്ക്കിടെ യുഎസില്‍ മരിക്കുന്ന മൂന്നാമത്തെ വിദ്യാര്‍ത്ഥിയാണിത്. ജനുവരിയിലാണ് 25 കാരനായ വിവേക് സൈനിയെ മരിച്ച നിലയില്‍ കണ്ടെത്തിയത്. സൈനി അടുത്തിടെ യുഎസില്‍ എംബിഎ പൂര്‍ത്തിയാക്കിയിരുന്നു. മയക്കുമരുന്നിന് അടിമയായ ജൂലിയന്‍ ഫോക്ക്‌നര്‍ എന്നയാളാണ് സൈനിയെ കൊലപ്പെടുത്തിയത്.
ഇന്ത്യാന സ്റ്റേറ്റിലെ പര്‍ഡ്യൂ സര്‍വകലാശാലയില്‍ പഠിക്കുകയായിരുന്ന നീല്‍ ആചാര്യ എന്ന ഇന്ത്യന്‍ വിദ്യാര്‍ത്ഥിയെയും കഴിഞ്ഞ ഒരാഴ്ചയ്ക്കിടെ യുഎസില്‍ മരിച്ച നിലയില്‍ കണ്ടെത്തിയിരുന്നു. ജോണ്‍ മാര്‍ട്ടിന്‍സണ്‍ ഹോണേഴ്സ് കോളേജ് ഓഫ് പര്‍ഡ്യൂ യൂണിവേഴ്സിറ്റിയില്‍ കമ്പ്യൂട്ടര്‍ സയന്‍സിലും ഡാറ്റാ സയന്‍സിലും ഡബിള്‍ മേജറായ ആചാര്യയെ കാണാതായതായി ഞായറാഴ്ച സോഷ്യല്‍ മീഡിയയില്‍ റിപ്പോര്‍ട്ട് ചെയ്തിരുന്നു. ഇതിന് പിന്നാലെ തിങ്കളാഴ്ചയാണ് മരിച്ച നിലയില്‍ കണ്ടെത്തിയത്.
കഴിഞ്ഞ വര്‍ഷം നവംബറില്‍ ഒഹായോയില്‍ കാറിനുള്ളില്‍ വെടിയേറ്റ് സിന്‍സിനാറ്റി സര്‍വകലാശാലയിലെ ഇന്ത്യന്‍ ഡോക്ടറല്‍ വിദ്യാര്‍ത്ഥിയായ 26 കാരന്‍ ആദിത്യ അദ്ലാഖ മരിച്ചിരുന്നു. മോളിക്യുലാര്‍ ആന്‍ഡ് ഡെവലപ്മെന്റല്‍ ബയോളജി പ്രോഗ്രാമിലെ പിഎച്ച്ഡി വിദ്യാര്‍ത്ഥിനിയായിരുന്നു അദ്ലാഖ. മറ്റൊരു കേസില്‍, ഇല്ലിനോയി സര്‍വകലാശാലയില്‍ ഇലക്ട്രിക്കല്‍ എഞ്ചിനീയറിംഗില്‍ പഠിക്കുന്ന 18 കാരനായ ഇന്ത്യന്‍ വംശജനായ അകുല്‍ ധവാന്‍ ജനുവരിയില്‍ മരിച്ച നിലയില്‍ കണ്ടെത്തിയിരുന്നു.
https://www.facebook.com/Malayalivartha
