റോഡ് മുറിച്ചുകടക്കവേ മുംബൈ സ്വദേശി ജിദ്ദയില്‍ വാഹനമിടിച്ച് മരിച്ചു... റമദാന് ശേഷം എക്സിറ്റില്‍ പോകാനിരിക്കെയാണ് ദുരന്തം
റോഡ് മുറിച്ചുകടക്കവേ മുംബൈ സ്വദേശി ജിദ്ദയില്‍ വാഹനമിടിച്ച് മരിച്ചു. മുംബൈ താന സ്വദേശി ശൈഖ് മുഹമ്മദ് തല്‍ഹ (62) ആണ് ഞായറാഴ്ച ജിദ്ദ ഫൈസലിയ്യയില്‍ മുറബ്ബ പാലത്തിന് സമീപം കാറിടിച്ച് മരിച്ചത്.
അമീര്‍ ഫൈസല്‍ സ്ട്രീറ്റ് മുറിച്ചു കടക്കുമ്പോഴാണ് ഇന്‍ജാസ് മണി എക്സ്ചേഞ്ചിനു മുന്നില്‍ സര്‍വീസ് റോഡില്‍ അതി വേഗത്തിലെത്തിയ കാര്‍ ഇദ്ദേഹത്തെ ഇടിച്ചു തെറിപ്പിച്ചത്. വൈകുന്നേരം അഞ്ചരയോടെ നടന്ന അപകടത്തില്‍ പരിക്കേറ്റ ഇദ്ദേഹം രാത്രി പത്തരയോടെ കിംഗ് ഫഹദ് ആശുപത്രിയില്‍ മരണപ്പെടുകയായിരുന്നു.
ദീര്‍ഘകാലമായി അല്‍ മദീന പ്രസില്‍ ജീവനക്കാരനായിരുന്ന തല്‍ഹ റിട്ടയറായി റമദാന് ശേഷം എക്സിറ്റില്‍ പോകാനിരിക്കുകയായിരുന്നു. ഭാര്യ: ഇഷ്റത്ത് ജഹാന്‍. രണ്ട് പെണ്‍മക്കളുണ്ട്. നടപടിക്രമങ്ങള്‍ പൂര്‍ത്തിയാക്കി മൃതദേഹം ബുധനാഴ്ച വൈകീട്ട് ജിദ്ദ ഫൈസലിയ്യിയ മഖ്ബറയില്‍ ഖബറടക്കുകയും ചെയ്തു.
"
https://www.facebook.com/Malayalivartha
