സ്വകാര്യ ഗ്രൂപ്പില്‍ ഉംറ തീര്‍ഥാടനത്തിനെതിയ മലയാളി വയോധിക മദീനയില്‍ മരിച്ചു. മലപ്പുറം തിരൂര്‍ അയ്യായ വെള്ളച്ചാല്‍ നെച്ചിക്കാട്ട് മുഹമ്മദ് കുട്ടിയുടെ ഭാര്യ മേലേത്ത് നഫീസ (62) യാണ് തിങ്കളാഴ്ച മരിച്ചത്. ഭര്‍ത്താവും മകളുമൊത്ത് ഈ മാസം 12 നാണ് ഇവര്‍ ഉംറക്കെത്തിയത്.

ഉംറ പൂര്‍ത്തിയാക്കി മദീന സന്ദര്‍ശനവേളയില്‍ തിങ്കളാഴ്ച വൈകീട്ട് അസ്വസ്ഥത അനുഭവപ്പെട്ട നഫീസയെ ആശുപത്രിയില്‍ പ്രവേശിപ്പിച്ചുവെങ്കിലും മരിക്കുകയായിരുന്നു.

പിതാവ്: പരേതനായ മേലേതില്‍ മുഹമ്മദ്, മാതാവ്: പരേതയായ ബീക്കുട്ടി, മക്കള്‍: യാസിര്‍ (ദുബായ്), ബുര്‍ഹാര്‍ (ഖത്തര്‍ ), ഫിദ, മരുമക്കള്‍: ഉമൈബ, ഫാരിസ, മുനീബ് താനാളൂര്‍, സഹോദരങ്ങള്‍: അബ്ദുറഹ്മാന്‍, അബ്ദുസുബ്ഹാന്‍, റസിയ.