വര്‍ഷങ്ങളായി യുഎയില്‍ ബിസിനസ് നടത്തി വന്നിരുന്ന മലയാളി വ്യവസായി അബുദാബിയില്‍ മരിച്ച നിലയില്‍
വര്‍ഷങ്ങളായി യുഎയില്‍ ബിസിനസ് നടത്തി വന്നിരുന്ന മലയാളി വ്യവസായി അബുദാബിയില്‍ മരിച്ച നിലയില്‍. തലസ്ഥാന നഗരിയില്‍ റിഷീസ് ഹൈപ്പര്‍ മാര്‍ക്കറ്റും റസ്റ്ററന്റും നടത്തുന്ന കണ്ണൂര്‍ പാപ്പിനിശ്ശേരി പൂവങ്കുളംതോട്ടം പുതിയ പുരയില്‍ സുല്‍ഫാഉല്‍ ഹഖ് റിയാസി(55)നെയാണ് മരിച്ച നിലയില്‍ കണ്ടെത്തിയത്.
സാമ്പത്തിക പ്രതിസന്ധി കാരണം ജീവനൊടുക്കിയതാണെന്നാണ് സംശയം. വര്‍ഷങ്ങളായി യുഎഇയിലുള്ള സുല്‍ഫാഉല്‍ ഹഖ് റിയാസ് നല്ല നിലയില്‍ ബിസിനസ് ചെയ്തുവരികയായിരുന്നു. അടുത്തിടെ ഖാലിദിയയില്‍ പുതിയ റസ്റ്റേറന്റ് തുറക്കാനുള്ള ശ്രമത്തിലുമായിരുന്നുവെന്ന് പറയുന്നു. ഇതേ തുടര്‍ന്ന് സാമ്പത്തിക പ്രതിസന്ധിയിലാവുകയും രണ്ട് ദിവസം മുന്‍പ് വീട് വിട്ടിറങ്ങുകയുമായിരുന്നു.
ഇതിന് ശേഷം യാതൊരു വിവരവുമില്ലാത്തതിനെ തുടര്‍ന്ന് ഭാര്യ ഇന്നലെ പൊലീസില്‍ പരാതി നല്‍കിയതിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് അല്‍ ജസീറ ക്ലബിനടുത്തെ ഹോട്ടല്‍ മുറിയില്‍ മരിച്ച നിലയില്‍ കണ്ടെത്തിയത്. അബ്ദുല്‍ റഹ്മാന്‍ പൊതിരകത്ത് പി.ടി.പി.ഷാഹിദ ദമ്പതികളുടെ മകനാണ്. ഷീബ റിയാസാണ് ഭാര്യ. രണ്ടു മക്കളുണ്ട്.
https://www.facebook.com/Malayalivartha
