സൗദി കിഴക്കന്‍ പ്രവിശ്യയില്‍ വാഹനാപകടത്തില്‍ മലയാളി മരിച്ചു. ബുധനാഴ്ച രാവിലെ ഒമ്പതിന് അല്‍ അഹ്‌സയിലെ ഉദൈലിയ റോഡില്‍ കാര്‍ മറിഞ്ഞുണ്ടായ അപകടത്തില്‍ കോഴിക്കോട് നടുവണ്ണൂര്‍ സ്വദേശി നൊച്ചോട്ടെ നാസര്‍ (58) ആണ് മരിച്ചത്.

ഇദ്ദേഹം ഓടിച്ച കാറാണ് മറിഞ്ഞത്. സഹയാത്രികരായ ജയന്ത് പരശുരാം, അഭിജിത്ത് എന്നിവര്‍ക്ക് നിസാര പരിക്കേറ്റു. മൃതദേഹം ഹുഫൂഫിലെ കിങ് ഫഹദ് മോര്‍ച്ചറിയില്‍ സൂക്ഷിച്ചിരിക്കുകയാണ്.