നിലവിളിച്ച് വീട്ടുകാര്‍.....ബക്കറ്റിന്റെ അടപ്പ് എടുക്കാന്‍ കിണറ്റിലിറങ്ങിയ യുവാവ് കുഴഞ്ഞു വീണു... പുറത്തെടുത്തപ്പോള്‍ അബോധാവസ്ഥയിലായിരുന്നു, ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല, പ്രവാസിയായ യുവാവ് നാട്ടിലെത്തിയിട്ട് വെറും ഒരു മാസം മാത്രം
നിലവിളിച്ച് വീട്ടുകാര്‍.....ബക്കറ്റിന്റെ അടപ്പ് എടുക്കാന്‍ കിണറ്റിലിറങ്ങിയ യുവാവ് കുഴഞ്ഞു വീണു... പുറത്തെടുത്തപ്പോള്‍ അബോധാവസ്ഥയിലായിരുന്നു, ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല
അണ്ടൂര്‍ക്കോണം പള്ളിയാപ്പറമ്പ് ക്ഷേത്രത്തിനു സമീപം ഫിര്‍ദൗസ് വീട്ടില്‍ അന്‍സര്‍(31) ആണ് മരിച്ചത്. വ്യാഴാഴ്ച വൈകുന്നേരം നാലരയോടെയാണ് സംഭവം.
കിണറ്റില്‍ വീണ ബക്കറ്റിന്റെ അടപ്പ് എടുക്കാനായി ഇറങ്ങവേ കിണറ്റില്‍ അകപ്പെടുകയായിരുന്നു. അറുപതടിയോളം ആഴവും മൂന്നടി മാത്രം വീതിയുമുള്ള കിണറ്റില്‍ ശ്വാസവായു ലഭിക്കാത്തതാണ് മരണത്തിനു കാരണമായതെന്നാണ് പ്രാഥമിക നിഗമനത്തിലുള്ളത്.
ഇടുങ്ങിയ കിണറ്റില്‍ കുഴഞ്ഞുവീണ അന്‍സറിനെ കഴക്കൂട്ടത്തുനിന്നെത്തിയ അഗ്‌നിരക്ഷാസേന രണ്ടുമണിക്കൂറോളം കഷ്ടപ്പെട്ടാണ് പുറത്തെടുത്തത്.
പുറത്തെടുക്കുമ്പോഴേക്കും അന്‍സര്‍ അബോധാവസ്ഥയിലായിരുന്നു. ഉടന്‍തന്നെ ആശുപത്രിയിലേക്കു മാറ്റിയെങ്കിലും ജീവന്‍ രക്ഷിക്കാന്‍ കഴിഞ്ഞില്ല. ഭാര്യ: സുറുമി. മക്കള്‍: അയാന്‍(5), ഹൗവ്വാ ജന്ന(4മാസം). പ്രവാസിയാണ് മരിച്ച അന്‍സര്‍. ഒരു മാസം മുന്‍പാണ് നാട്ടിലെത്തിയത്.
https://www.facebook.com/Malayalivartha
