റിയാദ് പ്രവശ്യയിലെ അഫീഫിന് സമീപമുണ്ടായ വാഹനാപകടത്തില്‍ മരിച്ച തിരുവനന്തപുരം പേട്ട സ്വദേശി മഹേഷ് കുമാര്‍ തമ്പിയുടെ മൃതദേഹം നാട്ടിലെത്തിച്ചു...
10 APRIL 2024 08:10 AM IST
മലയാളി വാര്‍ത്ത
കഴിഞ്ഞ മാസം 24 ന് റിയാദ് പ്രവശ്യയിലെ അഫീഫിന് സമീപമുണ്ടായ വാഹനാപകടത്തില്‍ മരിച്ച തിരുവനന്തപുരം പേട്ട സ്വദേശി മഹേഷ് കുമാര്‍ തമ്പിയുടെ മൃതദേഹം നാട്ടിലെത്തിച്ചു.
കനിവ് ജീവകാരുണ്യവേദി പ്രവര്‍ത്തകരായ ബി.ഹരിലാല്‍. നൈസാം തൂലിക, അഫീഫ് മലയാളി സമാജം സെക്രട്ടറി ഷാജഹാന്‍ എന്നിവരുടെ നേതൃത്വത്തിലാണ് നടപടികള്‍ പൂര്‍ത്തീകരിച്ചത്.
ശനിയാഴ്ച റിയാദില്‍ നിന്നുള്ള എയര്‍ ഇന്ത്യ വിമാനത്തില്‍ തിരുവനന്തപുരം വിമാനത്താവളത്തിലെത്തിച്ച മൃതദേഹം ഇതിനകം നാട്ടിലെത്തിയ നൈസാം തൂലികയുടെ നേതൃത്വത്തില്‍ ഏറ്റുവാങ്ങി. നോര്‍ക്ക റൂട്‌സിന്റെ ആംബുലന്‍സിലാണ് പേട്ട ഭഗത്സിങ് റോഡിലുള്ള വീട്ടില്‍ മൃതദേഹമെത്തിച്ചത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
