യുഎഇയില്‍ മലയാളി യുവതിയെ താമസസ്ഥലത്തെ 19-ാ മത്തെ നിലയില്‍ നിന്നും താഴേക്കുവീണ് മരിച്ച നിലയില്‍ കണ്ടെത്തി. യുഎഇയിലെ ഫുജൈറയില്‍ ശനിയാഴ്ച രാവിലെയായിരുന്നു സംഭവം.തിരുവനന്തപുരം സ്വദേശിനി ഷാനിഫ ബാബു (37) ആണ് മരിച്ചത്. താമസസ്ഥലത്തെ 19-ാ മത്തെ നിലയില്‍ നിന്നും താഴേക്കുവീണ നിലയിലായിരുന്നു മൃതദേഹം കണ്ടെത്തിയത്.

ഫുജൈറ സെന്റ് മേരീസ് സ്‌കൂളിന് സമീപത്തുള്ള ബഹുനിലകെട്ടിടത്തിലാണ് ഷാനിഫ ബാബു കുടുംബത്തോടൊപ്പം താമസിച്ചിരുന്നത്. ഫുജൈറയില്‍ നിര്‍മാണ കമ്പനി നടത്തുന്ന സനൂജ് ബഷീര്‍കോയയാണ് ഭര്‍ത്താവ്. ഇവര്‍ക്ക് രണ്ടു പെണ്‍മക്കളുണ്ട്. മൃതദേഹം ഫുജൈറ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.