കണ്ണീരടക്കാനാവാതെ.... അയല്‍വാസികളായ പ്രവാസികള്‍ വിദേശത്ത് മരിച്ചത് മണിക്കൂറുകളുടെ വ്യത്യാസത്തില്‍... സങ്കടം അടക്കാനാവാതെ ഉറ്റവരും ബന്ധുക്കളും
കണ്ണീരടക്കാനാവാതെ.... അയല്‍വാസികളായ പ്രവാസികള്‍ മരിച്ചത് മണിക്കൂറുകളുടെ വ്യത്യാസത്തില്‍. അയല്‍വാസികളായ പ്രവാസികള്‍ മണിക്കൂറുകളുടെ വ്യത്യാസത്തിലാണ് വിദേശത്ത് ഹൃദയാഘാതം മൂലം മരിച്ചത്. എടവണ്ണ അയിന്തൂര്‍ സ്വദേശികളായ ചെമ്മല ഷിഹാബുദ്ദീന്‍ (46) ദുബായിലും ഐന്തൂര്‍ കരുവന്‍പുറത്ത് ആസാദിന്റെ മകന്‍ ഹാഷിഫ് (32) ഖത്തറിലുമാണു മരിച്ചത്.
നാട്ടില്‍ പോകാനായി തയ്യാറെടുക്കുന്നതിനിടെയാണ് ചെമ്മല ഷിഹാബുദ്ദീന്‍ ദുബായില്‍ ഹൃദയാഘാതം മൂലം മരിച്ചത്. ഡ്രൈവറായിരുന്നു. തിങ്കള്‍ രാവിലെ നടക്കാനിറങ്ങിയതിനു ശേഷം സുഹൃത്തുക്കളോടൊപ്പം മുറിയില്‍ വിശ്രമിക്കുന്നതിനിടെ കുഴഞ്ഞുവീഴുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും ശനിയാഴ്ച മരണത്തിന് കീഴടങ്ങി.
ചൊവ്വാഴ്ച നാട്ടിലേക്കു വരാന്‍ ടിക്കറ്റ് എടുത്തിരുന്നു. പരേതനായ ചെമ്മല മുഹമ്മദിന്റെയും നഫീസയുടെയും മകനാണ്. ഭാര്യ റസീന. മക്കള്‍: ഫാത്തിമ സിയ, സെല്ല, സഫ, മര്‍വ.
ശനി ഉച്ചയോടെ താമസസ്ഥലത്തുവച്ച് അസ്വസ്ഥത അനുഭവപ്പെട്ടതിനെ തുടര്‍ന്ന് ഹാഷിഫിനെ ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാന്‍ കഴിഞ്ഞില്ല. ഭാര്യ ഷംല. മാതാവ് ഉമ്മുസല്‍മ. രണ്ടുപേരുടെയും മൃതദേഹങ്ങള്‍ നാട്ടിലെത്തിക്കാനുള്ള ശ്രമത്തിലാണ് ബന്ധുക്കള്‍. സങ്കടം അടക്കാനാവാതെ ഉറ്റവരും ബന്ധുക്കളും.
https://www.facebook.com/Malayalivartha
