വിസിറ്റ് വിസയില്‍ ഒമാനിലെത്തിയത് കഴിഞ്ഞ ദിവസം.... ഒമാനില്‍ തൃശൂര്‍ സ്വദേശി ഹൃദയാഘാതത്തെ തുടര്‍ന്ന് മരിച്ചു... പുന്നയൂര്‍ക്കുളം ചെമ്മണ്ണൂര്‍ നെരിയമ്പുള്ളി വീട്ടില്‍ മൊയ്തുട്ടി (66) ആണ് നിസ്വയില്‍ മരിച്ചത്.

നേരത്തെ ഒമാനില്‍ ഉണ്ടായിരുന്ന മൊയ്തുട്ടി കഴിഞ്ഞ ദിവസമാണ് വിസിറ്റ് വിസയില്‍ ഒമാനിലെ എത്തിയത്. ശാരീരിക അസ്വസ്ഥത അനുഭവപ്പെട്ടതിനെ തുടര്‍ന്ന് ആശുപത്രിയില്‍ എത്തിച്ചെങ്കിലും മരണപ്പെടുകയായിരുന്നു.പിതാവ്: ഏനു. മാതാവ്: ഖദീജ കാഞ്ഞിരക്കടവത്ത്. ഭാര്യ: ഉമ്മാച്ചു. മക്കള്‍: നജ്മല്‍, നൂറിയ, നൗഫിയ, നസ്ബ.

നിസ്വ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം ഐ.സി.എഫിന്റെയും ആക്‌സിഡന്റ്‌സ് ആന്‍ഡ് ഡിമൈസസ് ഒമാന്റെയും നേതൃത്വത്തില്‍നടപടികള്‍ പൂര്‍ത്തിയാക്കി നാട്ടിലേക്ക് കൊണ്ടുപോകും.