25 വര്‍ഷത്തോളം പ്രവാസിയായിരുന്ന തിരുവനന്തപുരം സ്വദേശി സൗദിയില്‍ അന്തരിച്ചു... കഴിഞ്ഞ ദിവസമാണ് ഹ്രസ്വ അവധിക്ക് ശേഷം നാട്ടില്‍ നിന്നും തിരിച്ച് സൗദിയിലെത്തിയത്
25 വര്‍ഷത്തോളം പ്രവാസിയായിരുന്ന തിരുവനന്തപുരം സ്വദേശി സൗദിയില്‍ അന്തരിച്ചു... കഴിഞ്ഞ ദിവസമാണ് ഹ്രസ്വ അവധിക്ക് ശേഷം നാട്ടില്‍ നിന്നും തിരിച്ച് സൗദിയിലെത്തിയത്. നവോദയ അല്‍ഖോബാര്‍ ഏരിയ എക്‌സിക്യൂട്ടിവ് അംഗവും തലാല്‍ യൂണിറ്റ് സെക്രട്ടറിയും സാമൂഹിക പ്രവര്‍ത്തകനുമായ തിരുവനന്തപുരം കാര്യവട്ടം സ്വദേശി സാജിം അബൂബക്കര്‍ കുഞ്ഞു (51) നിര്യാതനായി. 25 വര്‍ഷമായി ഖോബാറില്‍ പ്രവാസിയായിരുന്നു.
ഖോബോറിലെ സറാക്കോ കമ്പനിയില്‍ ആര്‍കിടെക്ട് ആയി ജോലിചെയ്തുവരികയിരുന്നു. കഴിഞ്ഞ ദിവസമാണ് ഹ്രസ്വ അവധിക്ക് ശേഷം നാട്ടില്‍ നിന്നും തിരിച്ച് സൗദിയിലെത്തിയത്.
രോഗബാധിതനായതിനെ തുടര്‍ന്ന് അല്‍മാന ആശുപത്രിയില്‍ പ്രവേശിപ്പിച്ചിട്ടുണ്ടായിരുന്നു. മൃതദേഹം നാട്ടില്‍ കൊണ്ടുപോകുന്നതിനുള്ള നടപടികള്‍ പുരോഗമിക്കുന്നതായി സാമൂഹിക പ്രവര്‍ത്തകന്‍ നാസ് വക്കം അറിയിച്ചു. തിരുവനന്തപുരം വെമ്പായം സ്വദേശി അബൂബക്കര്‍ -ഉമ്മുക്കുല്‍സു ദമ്പതികളുടെ മകനാണ്. ഭാര്യ. ഷക്കീല. ഇന്ത്യന്‍ സ്‌കൂള്‍ വിദ്യാര്‍ഥിനി സൈന മകളാണ്.
https://www.facebook.com/Malayalivartha
