സൗദിയിലുണ്ടായ വാഹനാപകടത്തില് മരിച്ച യുവാവിന്റെ മൃതദേഹം നാട്ടിലെത്തിച്ചു...
![](https://www.malayalivartha.com/assets/coverphotos/w657/315215_1721618160.jpg)
സൗദി അറേബ്യയിലെ അല് ഖസീം പ്രവിശ്യയില് ദരിയ എന്ന സ്ഥലത്ത് കഴിഞ്ഞ ബുധനാഴ്ചയുണ്ടായ വാഹനാപകടത്തില് മരിച്ച മലപ്പുറം വേങ്ങര സ്വദേശി വലിയോറ ചെനക്കല് കല്ലന് മുഹമ്മദ് ഉനൈസിന്റെ (27) മൃതദേഹം ശനിയാഴ്ച നാട്ടിലെത്തിച്ചു.
വെള്ളിയാഴ്ച്ച രാത്രി 11:50 ന് റിയാദില് നിന്ന് പുറപ്പെട്ട എയര് ഇന്ത്യ എക്സ്പ്രസ് വിമാനത്തില് കരിപ്പൂരിലെത്തിച്ച മൃതദേഹം ബന്ധുക്കള് ഏറ്റുവാങ്ങി. ഫാസ്റ്റ് ഫുഡ് ഡെലിവറി കഴിഞ്ഞ് റോഡ് മുറിച്ച് വാഹനത്തിന് സമീപത്തേക്ക് നടക്കുന്നതിനിടെ മറ്റൊരു വാഹനം ഉനൈസിനെ ഇടിച്ച് തെറിപ്പിക്കുകയായിരുന്നു.
കല്ലന് ഉസൈന് - ഖദീജ ദമ്പതികളുടെ മകനാണ്. ഭാര്യ: ജസീല, മക്കള്: ലസിന്, ഖദീജത്തുല് ലുജൈന്. സഹോദരങ്ങള്: ഹാഫിസ് ത്വയ്യിബ് മുഈനി, നസ്ല്, ജന്നത്ത്.
https://www.facebook.com/Malayalivartha