ജിദ്ദയില്‍ ഹൃദയാഘാതത്തെ തുടര്‍ന്ന് ചികിത്സയിലായിരുന്ന മലപ്പുറം സ്വദേശി മരിച്ചു
ജിദ്ദയില്‍ ഹൃദയാഘാതത്തെ തുടര്‍ന്ന് ചികിത്സയിലായിരുന്ന മലപ്പുറം വേങ്ങര കുറുവില്‍കുണ്ട് സ്വദേശി പൂച്ചേങ്ങല്‍ കഞ്ഞിമുഹമ്മദ് (52) മരിച്ചു. ജിദ്ദ കിങ് അബ്ദുല്‍ അസീസ് യൂണിവേഴ്‌സിറ്റി ആശുപത്രിയില്‍ ചികിത്സയിലിരിക്കെയാണ് അന്ത്യം.
ജിദ്ദ സനാഇയയില്‍ ടൈലറിംഗ് സ്ഥാപനത്തില്‍ ജീവനക്കാരനായിരുന്നു. പിതാവ്: പരേതനായ പൂച്ചേങ്ങല്‍ അബൂബക്കര്‍ ഹാജി, ഭാര്യ: സഫിയ, മക്കള്‍: നാജിയ നസ്രീന്‍, നജീം, മരുമകന്‍ : സബാബ് (പരപ്പനങ്ങാടി). സഹോദരങ്ങള്‍: സൈദലവി, ഇസ്മായില്‍, അബ്ദുസലാം. മൃതദേഹം ജിദ്ദയില്‍ ഖബറടക്കുന്നതാണ്.
അതേസമയം അനുജന്റെ വിവാഹത്തില്‍ പങ്കെടുക്കാനായി അടുത്തയാഴ്ച നാട്ടിലേക്ക് പോകാനിരിക്കെ യുവാവ് ഹൃദയാഘാതത്തെ തുടര്‍ന്ന് ദമ്മാമില്‍ മരിച്ചു. എ.ജി.സി കാര്‍ അക്സസറീസ് എന്ന കമ്പനിയിലെ ജീവനക്കാരന്‍ കോഴിക്കോട് അത്തോളി കുന്നത്തറ സ്വദേശി അയൂബ് (34) ആണ് മരിച്ചത്.
കുഴഞ്ഞു വീണതിനെ തുടര്‍ന്ന് ദമ്മാം സെന്‍ട്രല്‍ ആശുപത്രിയില്‍ പ്രവേശിപ്പിച്ചെങ്കിലും മരിച്ചു. ദമ്മാമില്‍ ഒപ്പമുണ്ടായിരുന്ന കുടുംബം രണ്ടുദിവസം മുമ്പാണ് നാട്ടിലേക്ക് പോയത്.അനുജന്റെ വിവാഹത്തില്‍ പങ്കെടുക്കാനായി അടുത്തയാഴ്ച അയൂബും നാട്ടിലേക്ക് പോകാനിരിക്കെയാണ് വിധി തട്ടിയെടുത്തത്. മൃതദേഹം നാട്ടിലെത്തിക്കാനുള്ള നടപടിക്രമങ്ങള്‍ പൂര്‍ത്തിയായി വരുന്നു.
https://www.facebook.com/Malayalivartha
