കണ്ണീര്‍ക്കാഴ്ചയായി.... നാട്ടില്‍ നിന്നും അവധി കഴിഞ്ഞെത്തിയ മലയാളി നഴ്‌സ് യുകെയില്‍ കുഴഞ്ഞു വീണു മരിച്ചു....കോട്ടയം ചിങ്ങവനം സ്വദേശിനിയായ സോണിയ സാറ ഐപ്പ്( 39) ആണ് മരിച്ചത്.

വോര്‍സെറ്റ് ഷെയറിലെ റെഡ്ഡിച്ച് അലക്‌സാണ്ട്ര എന്‍എച്ച്എസ് ആശുപത്രിയിലെ നഴ്‌സായിരുന്നു സോണിയ. കാലിന്റെ ശസ്ത്രക്രിയയുമായി ബന്ധപ്പെട്ട് 10 ദിവസം മുന്പാണ് ഇവര്‍ നാട്ടില്‍ പോയത്. കഴിഞ്ഞ ദിവസം രാവിലെ പത്തരയോടെയാണ് തിരികെ യുകെയില്‍ എത്തിയത്.

തുടര്‍ന്ന് ഒരുമണിക്കൂറിന് ശേഷം വീട്ടില്‍ കുഴഞ്ഞു വീഴുകയായിരുന്നു. ഉടനെ വൈദ്യസഹായം നല്‍കിയെങ്കിലും ജീവന്‍ രക്ഷിക്കാനായില്ല. ചിങ്ങവനം വലിയപറമ്പില്‍ അനില്‍ ചെറിയാനാണ് ഭര്‍ത്താവ്. ലിയ, ലൂയിസ് എന്നിവരാണ് മക്കള്‍. സംസ്‌കാരം പിന്നീട് നടക്കും.