വിസിറ്റിങ് വിസയില്‍ എത്തിയ ഹരിപ്പാട് ചിങ്ങോലി സ്വദേശിയായ യുവാവ് ബഹ്‌റൈനില്‍ നിര്യാതനായി. അനന്തു ജയപ്രകാശ് (24) ആണ് നിര്യാതനായത്.
പിതാവ് ജയപ്രകാശ്. ഹരിപ്പാട് ചിങ്ങോലി ഗ്രാമപഞ്ചായത്ത് മെമ്പര്‍ ശോഭ ജയപ്രകാശാണ് മാതാവ്.

ഹരിഗീതപുരം ബഹ്‌റൈന്‍ മുന്‍ എന്റര്‍ടൈന്‍മെന്റ് സെക്രട്ടറി ജ്യോതിഷ് പ്രകാശ് (ആദി) സഹോദരനാണ്.

അതേസമയം കണ്ണൂര്‍ സ്വദേശിയായ യുവാവ് ഖത്തറില്‍ ഹൃദയാഘാതത്തെ തുടര്‍ന്ന് നിര്യാതനായി.... കണ്ണൂര്‍ ചാലോട് മൂലക്കരി സ്വദേശി എ.കെ ലനീഷ് (44) ആണ് മരിച്ചത്. ഡ്രൈവറായി ജോലി ചെയ്തുവരികയായിരുന്നു. നടപടികള്‍ പൂര്‍ത്തിയാക്കിയ ശേഷം മൃതദേഹം വ്യാഴാഴ്ച രാത്രിയോടെ ദോഹയില്‍ നിന്നുള്ള വിമാനത്തില്‍ നാട്ടിലേക്ക് കൊണ്ടുപോയി. വെള്ളിയാഴ്ച രാവിലെ എടയന്നൂര്‍ ഹൈസ്‌കൂളിന് സമീപമുള്ള വീട്ടിലെത്തിച്ച ശേഷം, 10 മണിക്ക് പയ്യാമ്പലത്ത് സംസ്‌കരിക്കും.