കണ്ണീരടക്കാനാവാതെ.... അടുത്ത മാസം നാട്ടില്‍ വരാനിരിക്കെ യു.എ.ഇയിലെ റാക് സ്റ്റീവന്‍ റോക്കില്‍ ഭീമന്‍ ട്രക്ക് മറിഞ്ഞ് മലയാളിയായ യുവാവിന് ദാരുണാന്ത്യം
ബാലുശ്ശേരി ഉണ്ണികുളം പഞ്ചായത്തിലെ എകരൂല്‍ കുണ്ടിലത്തോട്ട് വീട്ടില്‍ അതുല്‍(27) ആണ് മരിച്ചത്. അതുല്‍ അടുത്ത മാസം അവധിക്ക് നാട്ടില്‍ വരാനിരിക്കുകയായിരുന്നു.

അപകടം നടക്കുന്ന സമയത്ത് ട്രക്ക് ഓടിച്ചിരുന്നത് അതുലാണ് . ലോഡുമായി ക്രഷറിലേക്ക് വരികയായിരുന്ന അതുല്‍ ഓടിച്ചിരുന്ന ട്രക്ക് നിയന്ത്രണം വിട്ട് തലകീഴായി മറിയുകയായിരുന്നു. അഞ്ചര വര്‍ഷമായി സ്റ്റീവന്‍ റോക്കില്‍ ജോലി ചെയ്യുകയായിരുന്നു അതുല്‍. അവിവാഹിതനാണ്. അഗ്രൂല്‍ കുണ്ടിലാത്തോട്ട് വീട്ടില്‍ ശശികുമാര്‍ അജിത ദമ്പതികളുടെ മകനായിരുന്നു.