വാഹനാപകടത്തില്‍ പരുക്കേറ്റ് ചികിത്സയിലായിരുന്ന ഒമാന്‍ പ്രവാസി നാട്ടില്‍ മരിച്ചു. തൃശൂര്‍ വാടാനപ്പള്ളി ഏഴാം കല്ല് സ്വദേശി മഞ്ഞിപറമ്പില്‍ സജിത് (ചിന്നന്‍ - 39) ആണ് മരിച്ചത്.

കഴിഞ്ഞ ശനിയാഴ്ച വാടാനപ്പള്ളി ആശാന്‍ റോഡ് പരിസരത്ത് ബൈക്കും മിനി ലോറിയും കൂട്ടിയിടിച്ചായിരുന്നു അപകടം നടന്നത്.ഗുരുതരമായി പരുക്കേറ്റ സജിത് ആശുപത്രിയില്‍ ചികിത്സയില്‍ കഴിയുകയായിരുന്നു.

12 വര്‍ഷത്തോളമായി ഓമനിലുണ്ടായിരുന്ന സജിത്ത് രാജ്യത്തിന്റെ പല ഭാഗങ്ങളിലും വാട്ടര്‍ ട്രീറ്റ്‌മെന്റ് പ്ലാന്റ് ഓപ്പറേറ്ററായി ജോലി ചെയ്തിരുന്നു. ആഗസ്റ്റ് ആറിനാണ് നാട്ടിലേക്ക് പോയത്. പിതാവ്: പവിത്രന്‍. മാതാവ്: ലളിത. ഭാര്യ: അശ്വതി. രണ്ടു സഹോദരങ്ങളുണ്ട്.